ئه‌مریكا داخویانییه‌كا ئه‌ردۆغانی ب داخویانییه‌كا بكه‌نی ناڤ كر

ئه‌مریكا داخویانییه‌كا ئه‌ردۆغانی ب داخویانییه‌كا بكه‌نی ناڤ كر

WAAR-دهۆك:

په‌یڤدارا وه‌زاره‌تا ده‌رڤه‌ یا ئه‌مریكا گه‌فا توركیا ل دۆر لێدانا دربێ عۆسمانییان ب هێزێن ئه‌مریكا ل سووریێ ب داخویانییه‌كا بكه‌نی ناڤ كر.
د پرێسكۆنفرانسێ حه‌فتییانه‌ یێ هێزه‌ر ناورت، په‌یڤدارا وه‌زاره‌تا ده‌رڤه‌ یا ئه‌مریكا‌ دا، ئاژانسا ئه‌سوشیه‌تد پرێس پرسیاره‌ك ل دۆر داخویانییا ره‌جه‌ب ته‌یب ئه‌ردۆغان، سه‌رۆكێ توركیا كر كو گه‌ف ل هێزێن ئه‌مریكا ل سووریێ كربوون و گۆتبوو: هێشتا وان تام نه‌كرییه‌ زلـله‌هـ یان دربا عۆسمانییان.
ل ده‌مێ په‌یامنێرێ ئه‌سوشیه‌تد پرێس پرسی كا ئه‌مریكا تام كرییه‌ دربا عۆسمانییان و په‌یوه‌ندیێن ئه‌مریكا و توركیا ب چ ئاست گه‌هشتنه‌، هێزه‌ر ناورت نه‌شیا خوه‌ كره‌ كه‌نی و گۆت: ئه‌و داخویانییه‌كا بكه‌نییه‌ لێ ئه‌و داخویانییان ل سه‌ر گۆتنێن هه‌می سه‌ركردێن بیانی ناده‌ت.
ناورت گۆت ژی: چوونا رێكس تیله‌رسۆن، وه‌زیرێ ده‌رڤه‌ بۆ توركیا ژ بزاڤێن ئه‌مریكا نه‌ بۆ تێگه‌هشتنه‌كا باشتر د گه‌ل وی وه‌لاتی و گرنگیدانا واشنتۆن ب ره‌وشا سووریێ و عه‌فرینێ ژی.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.