ئه‌ردۆگان: پشته‌ڤانییا ئه‌مریكا بۆ گرۆپێن كوردی قه‌بوول ناكه‌ین

ئه‌ردۆگان: پشته‌ڤانییا ئه‌مریكا بۆ گرۆپێن كوردی قه‌بوول ناكه‌ین

WAAR-دهۆك:

ئه‌ردۆگانی ره‌خنه‌ ل پشته‌ڤانییا سه‌ربازی یا ئه‌مریكا بۆ كوردێن رۆژئاڤا گرت و راگه‌هاند: توركیا نه‌شێت وێ پشته‌ڤانییێ پشت گوهـ پاڤێت.
سه‌رۆكێ توركیا ره‌جه‌ب ته‌یب ئه‌ردۆگانی بۆ پشكداریكرنێ د كۆمبوونا سالانه‌ یا كۆمه‌له‌یا گشتی یا نه‌ته‌وه‌یێن ئێكگرتی دا ل نیۆیۆركێ دێ چیته‌ ئه‌مریكا و د كۆنگره‌كێ رۆژنامه‌ڤانی دا ل فرۆكخانه‌یا ئه‌تاتۆركێ به‌حسا ئاڤاکرنا ده‌ڤه‌را ئارام ل ڕۆژاڤایێ کوردستانێ كر، تێدا گۆت: ئاماده‌كارییێن سوپای ل سه‌ر سنۆری تمام بووینه‌ و وه‌كو یا خۆیا توركیا هه‌ڤپه‌یمانا ستراتیژی یا ئه‌مریكا یه‌ و ناخوازیت رووبرووی وێ بیت، لێ نه‌شێت پشته‌ڤانییا وێ بۆ رێكخستنێن تیرۆریستی پشت گوهـ پاڤێت و قه‌بوول ناكه‌ن.
ئه‌ردۆگانی ده‌رباره‌ی كرینا سیستەمێ بەرگرییا مۆشەکان “پاتریۆت”ـی ژی گۆت: توركیا دخوازیت وی سیسته‌مى ژ ئه‌مریكا بكریت و دڤێت رێككه‌فتن ل دووڤ مه‌رجێن ئه‌نقه‌ره‌یێ بیت.

بابه‌تێن ب ڤێ مژارێ ڤه‌ گرێدای