ئه‌ردۆگان: سیسته‌مێ ئێس 400ـێ ناده‌ینه‌ ب سیسته‌مێ پاتریۆت

ئه‌ردۆگان: سیسته‌مێ ئێس 400ـێ ناده‌ینه‌ ب سیسته‌مێ پاتریۆت

WAAR-دهۆك:

ئه‌ردۆگانی ره‌تكر توركیا بۆ سیسته‌مێ پاتریۆت یێ ئه‌مریكی ده‌ستبه‌رداری سیسته‌مێ ئێس چوارسه‌د یێ رۆسی بیت.
سه‌رۆكێ توركیا ره‌جه‌ب ته‌یب ئه‌ردۆگانی د داخویانییه‌كێ دا ده‌ما ڤه‌گه‌ریانێ ژ ئه‌مریكا بۆ توركیا به‌حسا گۆتوبێژێن خوه‌ و ترامپی یێن ده‌رباره‌ی سیستەمێ “پاتریۆت” یێ ئه‌سمانی كر و گۆت: توركیا مافێ بكارئینانا سیسته‌مێ به‌رگرییا ئه‌سمانییێ ئێس چوارسه‌د یێ رۆسی هه‌یه‌ و وی به‌رپرسێن ئه‌مریكی ئاگه‌هدار كرینه‌ كو ئه‌و به‌رهه‌ڤن سیسته‌مێ پاتریۆتی ژی بكرن، د به‌رانبه‌ر دا ده‌ستبه‌رداری سیسته‌مێ ئێس چوارسه‌دی نابن.
ئه‌ردۆگانی ده‌رباره‌ی دانوستاندنێن ل سه‌ر راده‌ستكرنا فه‌تحوللا گویله‌نی ژی گۆت: توركیا یا رژده‌ ل سه‌ر بزاڤێن خوه‌ بۆ گرتنا گویله‌نی و كۆمبوونێن وه‌زاره‌تێن داد یێن هه‌ردو وه‌لاتان بۆ وێ ئارمانجێ به‌رده‌وامن.

بابه‌تێن ب ڤێ مژارێ ڤه‌ گرێدای