ئـەمریکا شول ب ئەبۆبەکر بەغدادی نەما و کوشت

ئـەمریکا شول ب ئەبۆبەکر بەغدادی نەما و کوشت

دلۆڤان ئەمجەد بارزانی

د ڤان رۆژان دا ئەو دەنگۆیە هاتە بلاڤ کرن کو د ئۆپەرسیونەکێ دا هەماهنگییا ئەمریکا و سوریا و کوردان (ئەبۆبەکر بەغدادی) سەرۆکێ دەولەتا ئیسلامی یا عیراق و شامێ یا هاتییە ناسین ب (داعش) هاتە کوشتن وەکی هاتییە دیارکرن کو دو ژنێن وی و سێ کور و هەمی خزمێن وی یێن نێزیك د ئۆپەرسیۆنکا ئەمریکی دا د ماوەیێ دو دەمژمێرا دا هاتنە کۆشتن و هندەك ئەندامێن خێزانا وی ژی ب برینداری کەتنە دەستێن هێزێن ئەمریکا دا .

دۆلاند ترمپی سەرۆکێ ئەمریکا رۆژا ئێك شەمبیێ راگەهاند کو جیهان ژ پیسترین و مەزنترین نەهامەتی و تیرۆرستی خەلاس بوو .
هەروەسا گۆت ژی: کو ب هاریکارییا کوردان مە ئەڤ ئۆپەراسیۆنە ئەنجام دا و ستایشا کوردان ژی کر .
و گۆت ژی کو ئەبۆبەکر بەغدادی خەلیفەیێ دەولەتا ئیسلامی کو هەرەشە و گەفە ل هەمی جیهانێ دکرن وەکی سەی دناڤا تۆنێلێ دا بوو دنالاند و گازی دکر لێ ئەو دوماهیکا وی بوو هاتە کوشتن .

ــ لێ پسیار د ڤێرە دا ئەوە :
ــ کێ دبێژیت کو ئەبۆبەکر بەغدادی کوشتی یە ؟
ــ چ بەلگە هەنە کو بۆ مە پشت راست بکەن کویێ هاتییە کۆشتن ؟
ــ ئەرێ ئەمریکا راست دبێژیت ؟

ئەگەر راست بیت دێ هەستەکێ گەلەکێ خۆش بیت بو هەمی جیهانێ ب گشتی و رۆژهەلاتا ناڤین ب تایبەتی کو ژ دەستێ پیسترین و خەتەرناکترین مرۆڤ ل سەر روویێ عەردی خەلاس بوون ، ب تایبەتی کوردستان و عیراق و سوریا بونە ئامانجێن ڤێ دەولەتا ئیسلامیا فاشست ، ئارمانجا ڤێ رێکخراوا تیرورستیا داعش ژناڤبرن و کۆشتنا کوردان بو چونکی پشکا شێر ژبەر کوردان کەفت .

لێ ئەگەر ئەم بچینە سەر راستیا بابەتی بومە دیار دبیت کو ئەڤ دەولەتا چەکدارا ئیسلامی یا عیراق و شامێ یا هاتیە ناسین ب (داعش) چێکەرێ وێ هەر ئەمریکا بو ئەڤ رێکخراوە چێکر ب ناڤێ دەولەتا ئیسلامی و بو ژناڤبرنا ئیسلامێ هەر ب دەستێن ئیسلامێ و د وی دەمی دا سوریا د رەوشەکا نەباش و ئالۆز دابی وان ب دەرفەت زانی و هنارتنە سوریا دا ل دژی رژێما سوری شەری بکەن ، دڤێرەدا وان سەرکەفتن ئینا د ئێکەم ئارمانجا خودا چونکێ سیاسەتا ئەمریکا گەلەکا ب هێزە و زور جوان و زانایانە و زیرەکانە پیلان بۆ هاتبوو دارشتن .

گەلەك جهێن ستراتیژیێن سووریا داگیرکرن و پاشی ل عیراقێ رەوش د ناڤبەرا شیعە و سونەیان دا رۆژ بو رۆژێ نەخوەشتر و بەرەڤ خرابیێ دچوو، دەرفەتەکا باش بۆ کو داعش بهێنە دناڤ ئاخا عیراقێ دا و هاتن هێزێن عیراقی ژی زۆر ب ساناهی سەنگەر و جهێن خوە چولکرن بۆ داعشێ د ماوەیێ چەند دەمژمێران دا ئەو جهێ وان دڤییا گرت و دەنگڤەدانەکا مەزن ل جیهانێ ڤەدا رۆژ بو رۆژێ مەزنتر و بەرەف پێشڤە دچوو خەلکەکێ باش ژی گەهشتنە ڤێ رێکخراوا تیرۆرستی کو ب ناڤێ ئیسلامێ شەر دکر و (ئەبۆبەکر بەغدادی) خەلیفێ وێ بوو .
نەهاتنە د ناڤ ئاخا کوردستانێ دا وەکی وان دا دیارکرن و گۆت مە چ عیلاقە ب کوردان ڤە نیە لێ د سەرێ وان و پیلانا وان دا تشتەکێ دی هەبوو.

ل رێکەفتێ (۳ ـ ۸ ـ ۲۰۱٤)ێ ب رەنگەکێ کت و پر هێرش کرە سەر ئاخا کوردستانێ و مەسافەیەکا زۆر داگیر کر ب رەنگەکێ زۆرێ هوڤ و درندانە خەلکێ بێ گونەهێ کورد کوشتن و کۆمکوژ و جینۆسایدکرن و یا هەری نەخوەش برنا کەچ و ژنێن کورد بوون.
لی پێشمەرگەیێن قەهرەمان نەهێلان زێدەتر بهێنە دناڤ ئاخا هەرێما کوردستانێ دا و ژناڤبرن و دەرئێخستن.

لێ ئەمریکا دڤان سالان دا هەمی چەکێ خوەیێ کەڤن فرۆتە عیراق و سوریێ و هەرێما کوردستانێ یەعنی ب کورتی و کوردی چەکێ خوە ب مە سەرف کر یێ کەڤن ئەڤە ئێك ژ ئارمانجا وان بوو .
یا دویێ کوشتنا ئیسلامێ ب دەستێن ئیسلامێ کو ئەڤە ژی ئیك ژ ئارمانجا ئەمریکا بوو هەولدان بو لاوازکرنا هزرا ئیسلامێ ل جیهانێ ب گشتی و رۆژهەلاتا ناڤین ب تایبەتی، هەلبەت شیان ب چێکرنا ڤێ دەولەتا ئیسلامی یا ب ناڤێ داعش هزرا ئیسلامی ل جیهانێ و رۆژهەلاتا ناڤین لاواز بکەن و کێم بکەن.

یا سێ یێ تاقیکرنەوا چەکێ خوە یێ نویی کو دڤێ دوماهیکێ ژی دا ئەمریکا چەکێ خوە بکارئینا یێ نوی د عیراقی دا.

راستی ئەمریکا پیلانا خوە پێکا و زۆر ب سەرکەفتیانە جێ بەجێ کر و ئەو تشتێ وان ڤیا ب دەست خوڤە ئینا، ئێدی چ شۆل ب (ئەبۆبەکر بەغدادی) خەلیفەیێ دەولەتا ئیسلامی یا عیراق و شامێ یا هاتییە ناسین ب داعش نەما ، د ماوەیێ 6 سالان دا کار پێ کر ئەو تشتێ وان ڤییا ب دەست خوەڤە ئینا ڤێجا بۆچی نەکوژیت.
لەوما دێ بێژین ئەمریکا شۆل ب ئەبۆبەکر بەغدادی نەما و کوشت.

*بۆچوون و رێنڤیس و خالبەندی، دەربرینێ ژ نڤیسەرێ گۆتارێ دکەت

بابه‌تێن ب ڤێ مژارێ ڤه‌ گرێدای