ئسپانیا و ئه‌رجه‌نتین گه‌هشتنه‌ پێشداوییا مۆندیالا باسكتبۆلێ

ئسپانیا و ئه‌رجه‌نتین گه‌هشتنه‌ پێشداوییا مۆندیالا باسكتبۆلێ

 

ھەلبژارتیێ ئسپانیا بەردەوامی دا پێشکەڤتنا خوە د مۆندیالا باسکتبۆلێ دا و دەربازبوو قۆناغا پێش داویێ. دەمێ سەرکەڤتنەکا بساناھی لسەر ھەلبژارتیێ پۆلەندا ب ٩٠ خالان بەرامبەر ٧٨ خالان تۆمارکری.. لارۆخا ب درێژاھییا ڤێ دیدارێ چ ئاستەنگ بۆ بەردەوامی دانا پێشکەڤتنا خوە نەدیتن و ستێرا وێ ریکی رۆبیۆی ١٩ خال تۆمارکرن دگەل ٩ ئاسێستان و کاپتنێ وێ مارک گاسۆلی ١٠ خال ئینان دگەل ٧ ئاسێستان..ھەژی گۆتنێ یە ئسپانیا د یارییا بھێت دا دێ رووبروو سەرکەڤتیێ دیدارا ئۆسترالیا و چیکیا بیت.ژلایەکێ دیڤە ھەلبژارتییێ ئەرجەنتین ئێک ژ مەزنترین حنێران تۆمارکر و ھەلبژارتییێ سربیا ژ ھەڤرکییا ناسناڤی دەرێخست . دەمێ ب ٩٧ خالان بەرامبەر ٨٧ خالان پێشکەڤتی و لسەر کیستێ وێ دەربازبوویە قۆناغا پێش داوییێ.. دھەردوو چارێکێن ئێکێ دا پێشکەڤتنا ھەلبژارتیێ ئەرجەنتین دیاربوو پشتی ٥٤ خال بەرامبەر ٤٩ خالان تۆمارکرین ھەر چەندە دچارێکا سێیێ دا سربیا پتر خال ئینا بەلێ دچارێکا چارێ و داوییێ دا ئەرجەنتین ب سەرکێشییا ستێرا خوە لویس سکولای جوداھییا خالان زێدەترلێکر و پلێتا پێش داویێ بری کۆ دێ رووبروو سەرکەڤتیێ دیدارا ئەمریکا و فرەنسا بیت.

بابه‌تێن ب ڤێ مژارێ ڤه‌ گرێدای