ئسرائیل: مەھەکە ھاریکاری و پشتەڤانییا کوردێن رۆژئاڤا دکەین

ئسرائیل: مەھەکە ھاریکاری و پشتەڤانییا کوردێن رۆژئاڤا دکەین

WAAR-دهۆك:

وەزارەتا دەرڤە یا ئسرائیلێ ئاشکەرا کر کو ئەڤە مەھەکە ئەو ژ ئالییێ مرۆڤی و دیپلۆماسی ڤە ھاریکارییا کوردێن رۆژئاڤایێ کوردستانێ دکەن.
تزیپی ھۆتۆڤلی، جێگرا وەزیرێ دەرڤە یێ ئسرائیلێ، ل ھەمبەر پەرلەمانێ وەلاتێ خوە راگەھاند: پشتی ھێرشا تورکیا ل سەر کوردێن رۆژئاڤایێ کوردستانێ، داخوازییێن ھاریکاریکرنا کوردان زێدە بووینە، تایبەت د ئالییێ دیپلۆماسی و مرۆڤی دا و ئەو ب چەندین رێیێن جودا ھاریکارییا کوردان دکەن.
ھۆتۆڤلییێ ئاشکەرا ژی کر: ئەڤە مەھەکە وان ھاریکاریکرنا کوردێن رۆژئاڤایێ کوردستانێ دەست پێ کرییە و ژ بلی ھاریکارییێن مرۆڤی، ئەو د دانوستاندنێن د گەل ئەمریکا ژی دا بەرگرییێ ژ کوردان دکەن و ئەو یەک بۆ وان شانازی یە.
جێگرا وەزیرێ دەرڤە یێ ئسرائیلێ ئاماژە ژی دا؛ وەلاتێ وێ بەرژەوەندییەکا مەزن د پشتەڤانیکرن و پاراستنا ھێزا کوردان و پێکھاتەیێن دی یێن باکۆرێ سوورییێ دا ھەیە، ژ بەر کو ئەو ھێزێن میانرەو و ئالیگرێن وەلاتێن رۆژئاڤا نە و د بنە سەنگەک ژی ل دەڤەرێ ژ بۆ کێمکرنا ھەژمۆنا ئیرانێ.
سەرۆکێ وەزیرێن ئسرائیلێ ژی بەری نھا دژاتییا بریارا ترامپی یا ڤەکێشانا ھێزان ژ رۆژئاڤایێ کوردستانێ کربوو و دیار کربوو کو کورد ل سەر دەستێ تورکیا ڤە دھێن قرکرن.

بابه‌تێن ب ڤێ مژارێ ڤه‌ گرێدای