ئارنچ: ئەحمەد تورکی چ پەیوەندی ب تیرۆرێ ڤە نینن

ئارنچ: ئەحمەد تورکی چ پەیوەندی ب تیرۆرێ ڤە نینن

WAAR-دهۆك:

ئەندامەکێ دەستەیا شیرەتکارێن سەرۆکاتییا کۆمارا تورکیا ئەحمەد تورک بێسووچ وەسف کر و دیار کر کو سزادانا کەفتانچیئۆغلویێ د خزمەتا وێ دا یە.
بولەنت ئارنچ، ئەندامێ دەستەیا بلند یا شیرەتکاری یا سەرۆکاتییا کۆمارا تورکیا د داخویانییەکا تەلەڤزیۆنی دا ل دۆر دوورخستنا ھەڤشارەدارێن شارەدارییێن مەزن یێن باکۆرێ کوردستانێ، ئامەد، وان و مێردینێ و دانانا قەیوومان ل شوونا وان ژ ئالییێ وەزارەتا ناڤخوە یا تورکیا ڤە، راگەھاند: ئەو ئەحمەد تورک، ھەڤشارەدارێ مێردینێ باش دنیاسیت و گەلەک رێزێ لێ دگریت، ژ بەر کو ئەو ئاشتییێ دخوازیت و چ پەیوەندی ب تیرۆرێ ڤە نینن.
ئارنچی ل دۆر سزادانا جەنان کەفتانچیئۆغلو، سەرۆکا لقێ ستەنبۆلێ یا پارتییا گەل یا کۆماری، جەھەپێ ب نەھـ سالێن زیندانکرنێ ژی، راگەھاند: ئەو سزایە د خزمەتا وێ دا یە و دێ ناڤدارییا وێ پێنج جارکی زێدە کەت و پێدڤی نەبوو ئەو ژ بەر تویتەکا بەری حەفت سالان بھێت سزادان کو ئەو یەک مافێ ئازادییا دەربرینێ یە.

بابه‌تێن ب ڤێ مژارێ ڤه‌ گرێدای