ئارنودی ناسناڤێ قۆناغا 10ێ یا پایسكلێن جیرۆدی ئیتالیا بر

ئارنودی ناسناڤێ قۆناغا 10ێ یا پایسكلێن جیرۆدی ئیتالیا بر

WAAR-دهۆك:

پایسکلڤانێ فرەنسی ئارنود دیماری ناسناڤێ قۆناغا ١٠ێ یا پایسکلێن جیرۆ دی ئیتالیا بدەستڤەبر و یێ ئیتالی ڤالێرۆ کۆنتی سەرکێشییا لیستا گشتی یا بەریکانەیێ پاراست.ئارنۆدی مفا ژ روودانەکا ڤێککەڤتنێ دناڤبەرا ھەژمارەکا پایسکلڤانان د کیلۆمەترێن داویێ دا دیت و شییا ل رێزا ئێکێ بھێت. کۆ ھەر ئێک ژ پایسکلڤانێ ئەلمانی پاسکال ئاکێرمان و یێ فرەنسی نیتیریێس ب ئەگەرێ وێ روودانێ بەریکانە ب جە ھێلان. دبەرامبەر دا دیماری شییا درێژاھییا ١٤٥ کیلۆمەتران ب ٣ دەمژمێر و ٣٦ خۆلەک و ٧ چرکەیان ببریت وناسناڤێ قۆناغا ١٠ێ بدەستڤە ببەت. و ھەڤرکێ وی یێ ئیتالیا ئیلیا ڤیڤیانی ل رێزا دووێ ھات. ژلایێ خوەڤە پایسکلڤانێ تیما ئیمارات ڤالێرۆ کۆنتی ب ٣٩ دەمژمێر و ٤٤ خۆلەک و ٣٩ چرکەیان سەرکێشییا لیستا گشتی پاراست.

بابه‌تێن ب ڤێ مژارێ ڤه‌ گرێدای