وار – دهوك :
ئاژانسا رۆیته‌رز ژ زارێ به‌رپرسه‌كێ توركیا به‌لاڤكرییه كو تا رۆژا دوشه‌مبی ژی، بۆریا ڤه‌گۆهاستنا په‌ترۆلا هه‌رێمێ، ناهێته نوژه‌نكرن و هنارتنا په‌ترۆلێ ده‌ستپێناكه‌ت.
د راپۆرته‌كا خوه دا، ئاژانسا رۆیته‌رز، دیاركرییه، ژبه‌ر تێكچوونا ره‌وشا ئاسایشێ ل باكورێ كوردستانێ، ده‌مێ هه‌شت رۆژانه، بۆریا ڤه‌گۆهاستنا په‌ترۆلا هه‌رێمێ ل باژارێ ئورفایێ هاتییه په‌قاندن و ژبه‌ر به‌رده‌وامییا شه‌ڕی، توركیا نه‌شیایه تا نوكه وێ بۆریێ چێكه‌ت.
هه‌رێما كوردستانێ، رۆژانه 600 هزار به‌رمیلێن په‌ترۆلێ، ب رێیا بۆریێ د هنێریته به‌نده‌رێ جه‌یهان ل توركیا و ژ وێرێ ژی، به‌ره‌ڤ بازارێن جیهانی دچیت و تا نوكه ژی، داهاتێ سه‌ره‌كیێ هه‌رێمێ، ژ په‌ترۆلێ یه.
ل رۆژا سێ شه‌مبیا بۆری، ل باژاركێ ئورفایێ باكۆرێ كوردستانێ، بۆریا ڤه‌گۆهاستنا په‌ترۆلا هه‌رێمێ بۆ به‌نده‌رێ جه‌یهان هاته په‌قاندن.
