بۆ جارا پێنجێ مێسی دبیته‌ باشترین یاریزانێ جیهانی

بۆ جارا پێنجێ مێسی دبیته‌ باشترین یاریزانێ جیهانی

وار – دهوك :

وه‌كو دهاته‌ پێشبینی كرن ستێرا فوتبولا ئه‌رجه‌نتینی و یانه‌یا به‌رشه‌لونا یا ئسپانی لیونێل مێسی وه‌ك باشترین یاریكه‌رێ 2015 هاته‌ هه‌لبژارتن، دئاهه‌نگا سالانه‌ یا فیفایێ دا ئه‌وا به‌ری ل باژێرێ زیورخ یێ سویسری ب پشكدارییا هژماره‌كا مه‌زن ژ گه‌شترین كه‌سایه‌تیێن وه‌رزشی لسه‌رانسه‌ری جیهانێ هاتیه‌ كرن، هه‌لبژارتنا مێسی هات پشتی پێشكه‌فتی لسه‌ر هه‌رئێك ژهه‌ڤركێن خو یێ به‌رازیلی نه‌یماری و یێ پورتوگالی كرستیانو رۆنالدوی، بڤێ چه‌ندێ مێسی ریكورده‌كا نوو توماركر و بو جارا پێنجێ دحه‌فت سالێن دووماهیێ دا بڤی ناسناڤی هاته‌ خه‌لاتكرن، و لسه‌ر ئاستێ خانمان یاریكه‌را هه‌لبژارتیێ ئه‌مریكا كارلی لوید ئه‌ڤ ناسناڤه‌ بده‌ستڤه‌ئینا، و راهێنه‌رێ به‌رشه‌لونا لویس ئێنریكی وه‌ك باشترین راهێنه‌رێ 2015 ل پێشییا گواردیولای راهێنه‌رێ بایرن میونخ و خورخێ سام پاولی راهێنه‌رێ هه‌لبژارتیێ چیلی هاته‌ خه‌لاتكرن، و ناسناڤێ خانمان گه‌هشته‌ راهێنه‌را هه‌لبژارتیێ ئه‌مریكا جیل ئه‌لێس، و خه‌لاتێ جوانترین گول گه‌هشته‌ یاریكه‌رێ به‌رازیلی و یانه‌یا ڤیلانوڤا وێندل لێرا، و جیرارد ئه‌سامواه ب ناسناڤێ خه‌لاتێ یارییا پاقژ هاته‌ هه‌لبژارتن، هه‌ر دڤێ ئاهه‌نگێ دا پێكهاته‌یێ سالێ هاته‌ راگه‌هاند كو ژ پێنج یانه‌ییان بوون، هه‌شت ژوان ژ یانه‌یێن به‌رشه‌لونا و ریال مه‌درید یێن ئسپانی بوون، و هه‌رسێ یێن مایی ژ یانه‌یێن یوڤێنتوس یا ئیتالی و بایرن میونخ یا ئه‌لمانی و پاریس سانجێرمان یا فره‌نسی بوون، كو پێكهاتییه‌ ژ مانوێل نویه‌ر گولپارێز و دانی ئه‌لڤێس و سێرجیو راموس و تیاگو سێلڤا و مارسێلو بو هێلا به‌ره‌ڤانیێ، و ئه‌نیێستا و پوگبا و مودرێج بو هێلا ناڤین و مێسی و رۆنالدو و نه‌یمار بو هێلا هێرشبرنێ.

بابه‌تێن ب ڤێ مژارێ ڤه‌ گرێدای