سه‌رۆكوه‌زیرانا بریتانیا كى یه‌ و باوه‌رى ب چى هه‌یه‌؟

terezmey

وار

 

تیرێزا مه‌ى Theresa May ل سالا 1956ێ بوویه‌ و سه‌رۆكا پارتا پارێزگارانه‌. ل گه‌له‌ك وه‌زاره‌تان كاركریه‌ و وه‌زیرا سیبه‌ر بوویه‌ ل گه‌له‌ك وه‌زاره‌تان. تیرێزایێ هنده‌ك هزروبیر و باوه‌ریێن تایبه‌ت لدۆر كۆمه‌كا بابه‌تان هه‌نه‌، دبت ره‌نگڤه‌دانا خوه‌ لسه‌ر شۆلێ كابینا وێ هه‌بت و هه‌ڤبه‌ندیا بریتانیا دگه‌ل ده‌رڤه‌.

ئه‌م دشێت بۆچۆنێن وێ ل ئه‌ڤان واران به‌رچاڤ بكه‌ین:

مشه‌خت و په‌نابه‌ر

تیرێزایێ باوه‌رى هه‌یه‌ كو پێدڤیه‌ وه‌رگرتنا مشه‌ختان ژ ده‌رڤه‌ى ئێكه‌تیا ئۆرۆپا بۆ بریتانیا بهێته‌ سنۆردار و چارچۆڤه‌كرن. بۆ نموونه‌، قانوونه‌كا نوو ناهێلت بیانیێن ناسنامه‌یا بریتانى وه‌رگرتى هه‌ڤژین یان زاڕۆكێن خوه‌ بیننه‌ بریتانیا هه‌كه‌ر داهاتیێ وان ژ 18.800 ستێرلینگان كێمتر بت.

مافێن مرۆڤى

ل وه‌ختێ ریفراندۆمێ، تیرێزایێ گۆت بوو: ئه‌نجامێن ریفراندۆمێ چ بن، پێدڤیه‌ بریتانیا ژ په‌یمانا ئێكه‌تیا ئۆرۆپى بۆ مافێن مرۆڤى ڤه‌كشت، چونكى ئه‌و په‌یمانه‌ ئێمناهیێ كێم دكه‌ت و چویێ ل ره‌وشێ زێده‌ ناكه‌ت، ناهێلت ئه‌م كه‌سێن خه‌ته‌ر ژ وه‌لاتێ خوه‌ ده‌رێخین.

لێ وه‌ختێ ژێ پرسین كانێ دێ ژ په‌یمانێ ڤه‌كشت یان نه‌، گۆت من ده‌ست ژ ڤه‌كشانێ به‌ردایه‌.

وه‌ختێ وه‌زیرا ناڤخوه‌، ده‌ركرنا ئه‌بوقوتاده‌ى، ب فلى دزانت.

هه‌روه‌سا دگه‌ل قانوونا گوهداریكرنا خه‌لكى و زێره‌ڤانیكرنێیه‌.

ژن و ئێكسایى

تیرێزایێ باوه‌ریه‌كا نه‌لڤ ب ئێكسانىیا ژن و مێران هه‌یه‌ و كار بۆ كرینه‌. و دبێژن ده‌نگێ خوه‌ دایه‌ قانوونا هه‌ڤژینیا هه‌ڤنفشان same-sex marriage، ئانكو شوو-پێك-كرنا هه‌ڤره‌گه‌زان.. گوایه‌ تیرێزایێ باوه‌رى هه‌یه‌ كو وه‌ختێ دو كه‌س ئه‌ڤیندار بن، نابت رێگرن هه‌بن وه‌كو هه‌ڤژین پێكڤه‌ بژین.

پیشه‌ و مافێن كاركه‌ران

به‌رێ تیرێزا هند پشته‌ڤانه‌كا گه‌رما كاركه‌ران نه‌بوو، لێ د ئێكه‌مین گوتارا خوه‌ دا، تیرێزایێ ب خه‌لكێ كاركه‌ر ده‌ست پێ كر و گۆت: ل ده‌ستهه‌لاتداریا من، پارتا پارێزگاران ب ته‌مامى دێ خزمه‌تا خه‌لكێ كاركه‌ر كه‌ت.

ل ئه‌ڤان هه‌رسێ واران (مشه‌ختبوون، ئێكساییا نفشى و مافێن مرۆڤى)، دبت فشاره‌كا مه‌زن بكه‌ڤته‌ سه‌ر په‌نابه‌ر و مشه‌ختێن بریتانیا و هه‌كه‌ر به‌رنامه‌یێ وێ سه‌ركه‌ڤتى بت، دبت ببته‌ ده‌رگه‌هه‌كێ چاڤلێكرنێ بۆ هه‌مى ئۆرۆپا.

هاتیه‌ به‌رهه‌ڤكرن ژ:

http://www.theguardian.com/politics/2016/jul/11/theresa-may-conservative-immigration-human-rights-education

بابه‌تێن ب ڤێ مژارێ ڤه‌ گرێدای