سه‌رۆكاتییا هه‌رێما كوردستانێ په‌قینێن تل ته‌مر شه‌رمزاركرن

سه‌رۆكاتییا هه‌رێما كوردستانێ په‌قینێن تل ته‌مر شه‌رمزاركرن

وار – دهوك :

سه‌رۆكاتییا هه‌رێما كوردستانێ، په‌قینێن رۆژئاڤایێ كوردستانێ شه‌رمزاركرن و راگه‌هاند؛ جاره‌كا دی تیرۆرستان تاوانه‌كا نه‌ مرۆڤانه‌، ل هه‌مبه‌ری خوشك و برایێن رۆژئاڤایێ كوردستانێ ئه‌نجامدا.
د راگه‌هاندنه‌كێ دا كو دانه‌یه‌كا وێ بۆ وار هاتییه‌ هنارتن، سه‌رۆكاتییا هه‌رێما كوردستانێ، دیاركر، په‌قینێن رۆژئاڤا، ئاماژه‌یه‌كا روونن بۆ هۆڤاتی و ترسنوكییا تیرۆرستان كو پابه‌ندی چ بنه‌مایێن مرۆڤی و ئاسمانی نینن، لێ ئه‌ڤ كریارێن هۆڤانه‌ ئیراده‌یا هه‌موو ئالیان بۆ به‌رهه‌نگاربوونا تیرۆرستان بهێزتردكه‌ت و داوی جار ژی، سه‌ركه‌ڤتن یا گه‌لێ كورده‌ و شكه‌ستن و سه‌رشۆری هه‌ر بۆ تیرۆرستانه‌.
سه‌رۆكاتییا هه‌رێمێ، دوپاتی ل پشته‌ڤانییا كوردێن رۆژئاڤا كرییه‌ و سه‌ره‌خوه‌شی ل مالباتێن قوربانیێن وان په‌قینان كرییه‌.
به‌ریا دو رۆژان، سێ تیرۆرستان ب رێیا سێ تانكه‌رێن مینرێژكری، خوه‌ ل باژاركێ (ته‌ل ته‌مری) یێ سه‌ر ب پارێزگه‌ها حه‌سه‌كێ ڤه ل رۆژئاڤایێ كوردستانێ، په‌قاند و د ئه‌نجامدا، 15 كه‌س شه‌هیدكربوون و 69 كه‌س ژی بریندارببوون.
پاشان رێكخستییا تیرۆری یا داعشێ، لسه‌ر پێگه‌هێن خوه‌یێن جڤاكی، به‌رپرسیارییا خوه‌ ژ په‌قینێن باژاركێ (ته‌ل ته‌مری) راگه‌هاندبوو.

بابه‌تێن ب ڤێ مژارێ ڤه‌ گرێدای