داعشێ به‌رپرسیارییا خوه‌ ژ په‌قینێن رۆژئاڤایێ كوردستانێ راگه‌هاند

داعشێ به‌رپرسیارییا خوه‌ ژ په‌قینێن رۆژئاڤایێ كوردستانێ راگه‌هاند

وار – دهوك :

رێكخستییا تیرۆری یا داعشێ، به‌رپرسیارییا خوه‌ ژ په‌قینێن باژاركێ (ته‌ل ته‌مری) ل رۆژئاڤایێ كوردستانێ راگه‌هاند كو تێدا، هه‌شتێ وچوار كه‌س بـــبوونه‌ قوربانی.
شڤێدی، سێ تیرۆرستان ب رێیا سێ تانكه‌رێن مینرێژكری، خوه‌ ل باژاركێ (ته‌ل ته‌مری) یێ سه‌ر ب پارێزگه‌ها حه‌سه‌كێ ڤه ل رۆژئاڤایێ كوردستانێ، په‌قاند و د ئه‌نجامدا، پازده‌ كه‌س هاتنه‌ كوشتن و شێست ونه‌هـ كه‌س ژی برینداربوون.

سلێمان ئه‌حمه‌د، جێگرێ سه‌رۆكێ ساخله‌میا جزیرێ گۆتی: چاڤه‌رێیه‌ هه‌ژمارا قوربانیان زێده‌تر ببیت، ژبه‌ركو په‌قینان هه‌ژماره‌كا مه‌زنا خانیان ب سه‌رئێكدا هه‌رڤاندینه‌ و هه‌ژماره‌كا كه‌سان دبنڤه‌ ماینه‌، هه‌ر دیسان ره‌وشا ساخله‌میا چل برینداران نه‌باشه‌ كو پێنج ژوان، ده‌ست و پــێن خوه‌ ژ ده‌ست داینه‌.

گۆت ژی: په‌قینان ئێك ل دووڤ ئێكێ روودا و دو ژ وان ل سه‌ر رێیا گشتی و نزیكی بازاری بوون؛ و په‌قینا دی ژی، ل هه‌مبه‌ری نه‌خوشخانه‌یا وی باژاری بوو، له‌و بریندار بۆ نه‌خوشخانه‌یێن (سه‌رێ كانیێ و درباسیێ و قامشلۆ) هاتنه‌ ڤه‌گوهاستن و ل سه‌رێ كانیێ ژی، ب رێیا مزگه‌فتان، داخواز ژ خه‌لكی هاتییه‌ كرن، سه‌ره‌دانا نه‌خوشخانه‌یان بكه‌ن و خوینێ بده‌نه‌ برینداران.

هه‌ر ئه‌ڤرۆ، رێكخستییا تیرۆری یا داعشێ، لسه‌ر پێگه‌هێن خوه‌یێن جڤاكی، به‌رپرسیارییا خوه‌ ژ په‌قینێن باژاركێ (ته‌ل ته‌مری) راگه‌هاند.

بابه‌تێن ب ڤێ مژارێ ڤه‌ گرێدای