بایرێن میونێخ جهگرێ‌ پیپ گواردیۆلا دیاركر

بایرێن میونێخ جهگرێ‌ پیپ گواردیۆلا دیاركر

وار – دهوك :

ئاشتى قاسم

سه‌رۆكێ‌ یانه‌یا بایرێن میونێخ یا ئه‌لمانی كارل هاینز رومینیگێ‌ دووپاتكر كو راهێنه‌رێ‌ ئسپانی پیپ گواردیۆلا هه‌ڤبه‌ستا خۆ نوو ناكه‌ت و دێ‌ ل دووماهییا ڤی وه‌رزێ‌ یانه‌یا باڤاری بجه هێلیت و یێ‌ ئیتالی كارلۆ ئه‌نشیلۆتی دێ‌ جهێ‌ وی گریت، د داخویانیه‌كێ‌ دا بۆ رۆژنامه‌یا بێلد یا ئه‌لمانی رومینیگێ‌ دیاركر ئه‌و سوپاسیا گواردیۆلا دكه‌ن لسه‌ر هه‌ر تشته‌كێ‌ بۆ بایرێن میونێخ كری و هیڤی خواستن ل ڤی وه‌رزی ده‌ستكه‌ڤتێن مه‌زن بده‌ستڤه‌ بینن، و زێده‌تر ئاشكراكر كو ئه‌نشیلۆتی راهێنه‌ره‌كێ‌ سه‌ركه‌ڤتیه‌ و هه‌ڤبه‌ستا وی دێ‌ بۆ سێ‌ سالان بیت، دهێته‌ زانین گواردیۆلا یێ‌ چلوچار سالی ل سالا دوهزاروسێزدێ‌ ئه‌ركێ‌ راهێنه‌رییا بایرێن مونێخ وه‌رگرتبوو و شیابو ناسناڤێ‌ كۆپا سۆپه‌را ئه‌ورۆپا و مۆندیالا یانه‌یان و كۆپا ئه‌لمانیا و دوو جاران خۆلا ئه‌لمانیا بده‌ستڤه‌ بینیت، و چاڤه‌رێ دهێته‌كرن ئه‌نشیلۆتی یێ‌ پێنجیوشه‌ش سالی ل ده‌ستپێكا خزیرانا بهێت ب فه‌رمی ئه‌ركێ‌ راهێنه‌رییا بایرێن میونێخ وه‌ربگریت.

بابه‌تێن ب ڤێ مژارێ ڤه‌ گرێدای