وار – دهوك :
وه‌زاره‌تا سامانێن سرۆشتی یا حكومه‌تا هه‌رێما كوردستانێ، راپۆرتا مه‌ها بۆری یا هنارتنا په‌ترۆلێ به‌لاڤكر و ئاماژه‌كر، د مه‌ها بۆری دا، رۆژانه نزیكی شه‌ش سه‌د و دو هزار به‌رمیلێن په‌ترۆلا هه‌رێمێ، هنارتینه ده‌رڤه.
د راگه‌هاندنا خوه دا، وه‌زاره‌تا سامانێن سرۆشتی دیاركر، د مه‌ها ئێك یا ئه‌ڤ ساله دا، وان رۆژانه 61هزار و 811، به‌رمیلێن په‌ترۆلێ، ب رێیا بۆریا هنارتنا په‌ترۆلا هه‌رێمێ، هنارتینه به‌نده‌رێ جه‌یهان ل توركیا و ژبه‌ر چه‌ند ئه‌گه‌ره‌كان، د مه‌ها بۆری دا، بۆ ده‌مێ رۆژه‌كێ، هنارتنا په‌ترۆلێ هاتبوو راگڕتن.
خویاژی كرییه، ژ پترۆبلگه‌هێن لبن ده‌ستێ حكومه‌تا هه‌رێمێ، د مه‌ها بۆری دا، 14 ملیۆن و 656 هزار و 131به‌رمیل هاتینه هنارتن و ژ پترۆلگه‌هێن لبن چاڤدێرییا كۆمپانییا په‌ترۆلا باكۆر، 4 ملیۆن و 639هزار و 642، به‌رمیل هاتینه هنارتن.
