پۆلیسێن دهۆكێ: بكوژێ هونه‌رمه‌ند زاهد بریفكانی ئێك ژ كرێكارێن وی بوو

پۆلیسێن دهۆكێ: بكوژێ هونه‌رمه‌ند زاهد بریفكانی ئێك ژ كرێكارێن وی بوو

وار – دهوك :

د هه‌وه‌كێ دا، پۆلیسێن پارێزگه‌ها دهۆكێ، بكوژێ هونه‌رمه‌ند زاهد بریفكانی ده‌سته‌سه‌ركر، رێڤه‌به‌رێ پۆلیسان ژی راگه‌هاند؛ بكوژێ هونه‌رمه‌ندی ئێك ژ كرێكارێن وی بوو.

د پرێس كۆنفرانسه‌كێ دا، لیوا تارق ئه‌حمه‌د، رێڤه‌به‌رێ پۆلیسێن پارێزگه‌ها دهۆكێ دیاركر، شڤێدی پۆلیسێن نه‌هێلانا تاوانان ل دهۆكێ، د هه‌وه‌كا لێگه‌ریانێ دا، بكوژێ هونه‌رمه‌ند زاهد بریفكانی ده‌سته‌سه‌ركر كو ناڤێ وی (سه‌میر موسا)یه‌ و خه‌لكێ پارێزگه‌ها دهۆكێ یه‌ و بكوژ، ئێك ژ كرێكارێن هونه‌رمه‌ندی بوو و وه‌كو كه‌هره‌بائی دناڤا مالا وی دا كاردكر و دانپێدان ب تاوانا خوه‌ كرییه‌ و نوكه‌ لبن لێكولینێ یه‌.

گۆت ژی: بكوژی ب مه‌ره‌ما دزیێ هونه‌رمه‌ند زاهد بریفكانی كوشتییه‌ و زێر ژ مالا هونه‌رمه‌ندی دزینه‌ و ل باژارێ سامه‌را فرۆتینه‌، لێ بكوژ دناڤا مالا خوه‌ دا ل ده‌ردوورێن باژارێ دهۆكێ هاتییه‌ ده‌سته‌سه‌ركرن.

هونه‌رمه‌ند و نڤێسه‌ر زاهد بریفكانی، كورێ هه‌لبه‌ستڤانێ مه‌زن شێخ مه‌مدوح بریفكانی یه‌ و ل 22 ڤێ مه‌هێ، ب كوشتی د مالا وی ڤه‌ هاتبوو دیتن و پۆلیسێن دهۆكێ ژی راگه‌هاندبوو، زاهد بریفكانی، ب كێران هاتییه‌ كوشتن.

بابه‌تێن ب ڤێ مژارێ ڤه‌ گرێدای