ڤان وه‌لاتان بهایێ په‌نزینێ بلندكر

ڤان وه‌لاتان  بهایێ په‌نزینێ بلندكر

وار – دهوك :

وه‌لاتێ قه‌ته‌رێ د پێنگاڤه‌كێ دا وه‌كو سعودیێ و به‌حره‌ینێ بهایێ سۆته‌مه‌نیێ بلندكر، پشتى پشته‌ڤانییا به‌رهه‌مئینانا به‌رهه‌مێن په‌ترۆلێ ل قه‌ته‌رێ كێمبووى.
ئاژانسا نووچه‌یێن قه‌ته‌رێ راگه‌هاند، كۆمپانیا قه‌ته‌ر یا پترۆلێ شڤێدى بهایێ په‌نزینێ بلندكرن، بهایێ په‌نزینا سوپه‌ر 30% و یێ په‌نزینا ئاسایی ژى 31% هاته‌ بلندكرن و ئه‌ڤرۆ بڕیار كه‌ڤته‌ د وارێ بجهئینانێ دا.

ئه‌ڤ پێنگاڤا كۆمپانیا قه‌ته‌ر یا پترۆلێ د ده‌مه‌كى دا هات پشتى پشته‌ڤانیا حوكمه‌تا وى وه‌لاتى 50% پشته‌ڤانییا خوه‌ بۆ به‌رهه‌مێن دیــزل و كیرۆسین؛ كێمكرى.
پێشتر هه‌ر یه‌ك ژ سعودیێ و به‌حره‌ینێ ب رێژه‌یا 30% بهایێ به‌رهه‌مێن پترۆلێ زێده‌كرینه‌، پشتى بهایێ پترۆلێ ل بازارێن جیهانێ 70% هاتیــه‌ خوارێ.

بابه‌تێن ب ڤێ مژارێ ڤه‌ گرێدای