بۆریا په‌ترۆلا هه‌رێمێ رۆژه‌ك تا دو رۆژێن دی دێ چاره‌ بیت

بۆریا په‌ترۆلا هه‌رێمێ رۆژه‌ك تا دو رۆژێن دی دێ چاره‌ بیت

وار – دهوك :

ژێده‌ره‌كێ كه‌رتێ په‌ترۆلێ ل هه‌رێما كوردستانێ راگه‌هاند؛ چاره‌كرنا بۆریا په‌ترۆلا هه‌رێمێ بۆ توركیا دێ د ده‌ما دو رۆژێن بهێت دا ب دوماهی هێت.

ئاژانسا رۆیته‌رز، ئه‌ڤرۆ ژ زارێ ژێده‌ره‌كێ په‌ترۆلێ یێ هه‌رێما كوردستانێ به‌لاڤ كرییه‌، كارێن چاره‌كرنا بۆریا ڤه‌گوهاستنا په‌ترۆلا هه‌رێما كوردستانێ بۆ به‌نده‌رێ جه‌یهان یێ توركی، د ده‌ما رۆژه‌ك تا دو رۆژێن بهێت ب دوماهی هێت، بێی كو ئاماژه‌ بكه‌ت پشتی چاره‌كرنێ هنارتن دێ كه‌نگی ده‌ست پێ كه‌ت.

هه‌روه‌سا هاتییه‌: بۆریا په‌ترۆلا هه‌رێما كوردستانێ رۆژانه‌ 600 هزار به‌رمیلێن په‌ترۆلا هه‌رێمێ دگه‌ل یا كه‌ركووكێ ره‌وانه‌ی به‌نده‌رێ جه‌یهان دكه‌ت.
ل 17 شواتا ئه‌ڤ ساله‌، بۆریا ڤه‌گوهاستنا په‌ترۆلا هه‌رێما كوردستانێ ل سنۆرێ ئۆرفایا باكورێ كوردستانێ هێرش لسه‌ر هاتبوو كرن و ژ وی ده‌می هنارتن هاتییه‌ راگرتن.
ئالیێن فه‌رمی یێن حكومه‌تا هه‌رێما كوردستانێ ئاماژه‌ دكه‌ن، رۆژانه‌ ب قه‌باره‌یێ 15 ملیۆن دۆلاران زیان ژ ئه‌گه‌را په‌قاندنا بۆریێ ب هه‌رێما كوردستانێ كه‌فتینه‌.

بابه‌تێن ب ڤێ مژارێ ڤه‌ گرێدای