ل 17 ی ڤێ مه‌هێ بانگه‌شه‌یا هه‌لبژارتنان دێ ده‌ست پێ كه‌ت

ل  17 ی ڤێ مه‌هێ بانگه‌شه‌یا هه‌لبژارتنان دێ ده‌ست پێ كه‌ت

WAAR-دهۆك:

كۆمسیۆنا بلند یا سه‌ربخۆ یا هه‌لبژارتن و راپرسییان ل هه‌رێما كوردستانێ رادگه‌هینیت؛ ل هه‌ڤده‌ی ئه‌ڤێ مه‌هێ، بانگه‌شه‌یا هه‌لبژارتنان دێ ده‌ست پێ كه‌ت.
شێروان زرار، په‌یڤدارێ كۆمسیۆنا هه‌رێمێ، د پرێسكۆنفرانسه‌كی دا راگه‌هاند؛ ئه‌ڤرۆ ب ئاوایه‌كێ گه‌له‌ك زه‌لال، ژماره‌یێن قه‌واریێن سیاسی یێن پشكدار د پرۆسه‌یا هه‌لبژارتنێن په‌رله‌مانێ كوردستانێ دا، ب پشك كێشانێ هاتنه‌ دیاركرن.
گۆت ژی: بانگه‌شه‌یا هه‌لبژارتنان ل رۆژا هه‌ڤده‌ی ڤێ مه‌هێ دێ ده‌ست پێكه‌ت، هیڤی ژی خواستن تا ئێكی چریا دوێ، هه‌موو ئاماده‌كاریێن هه‌لبژارتنان ب داوی بهێن.
په‌یڤدارێ كۆمسیۆنێ دوپات كر، ل جه‌م كۆمسیۆنێ بڕیاره‌ و هه‌لبژارتن دێ هێنه‌ كرن و رۆژ ب رۆژ ئاماده‌كاریێن وێ پرۆسێ ل گۆری خشته‌ی، دهێنه‌ كرن و گۆت: هه‌ر ئالییه‌كێ داخوازا درێژكرنا ژڤانی یان ئه‌نجام نه‌دانا هه‌لبژارتنان بكه‌ت، ئه‌و ژێ به‌رپرس نینن.
لدۆر هه‌لبژارتنێن سه‌رۆكاتییا هه‌رێما كوردستانێ ژی، شێروان زرار ئاماژه‌ كر، تا نها تنێ به‌ربژاره‌كی پێشكێش كرییه‌، لێ ژبه‌ركو هنده‌ك گرفت هه‌بوون، دۆسییا وی بۆ جڤاتا شوورایێ هاتییه‌ ئاراسته‌ كرن و هێشتا بڕیار ل سه‌ر نه‌هاتییه‌ دان.
لدۆر بانگه‌شه‌یا هه‌لبژارتنان ژی، په‌یڤدارێ كۆمسیۆن گۆت: بڕیار ئه‌و بوو ل پازده‌ی ئه‌ڤێ مه‌هێ، بانگه‌شه‌ ده‌ست پێ بكه‌ت، لێ دو رۆژان ل سه‌ر داخوازا پرانییا قه‌واریێن سیاسی هاتییه‌ درێژكرن، ژبۆ ئاراسته‌ كرنا ناڤێن به‌ربژاران، له‌ورا بڕیار هاتییه‌ دان، بانگه‌شه‌ ل هه‌ڤده‌ی ڤێ مه‌هێ ده‌ست پێ بكه‌ت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.