Li Kongoyê ji sedema nexweşîya ebolayê hezar û 400 kes mirin

Li Kongoyê ji sedema nexweşîya ebolayê hezar û 400 kes mirin

WAAR_Duhok:

Li Komara Demokratîk a Kongoyê (KDK) ji ber şewba ebolayê jimara miriyan gihişt hezar û 416 kesan.

Li gor daxuyaniya Wezareta Tenduristiyê ya KDKyê şewba li eyaleta Kivuya Bakur derketiye û heya eyaleta Ituriyê belav bûye û heta niha 2 hezar û 247 ji ber şewbê nexweş ketine.

Hat tesbîtkirin ku bi 2 hezar û 153 kesî re vîrusa Ebolayê heye.

Di şewbê de hezar û 416 kes mirin, 623 kesê vîrus pê ra heye jî pak bûn.

Di çarçoveya xebata ku ji 8ê Tebaxa 2018an pê va tê meşandin da derzî li 141 hezar û 754 kesan xistin.

Ebola cara ewil di sala 1976an da li Nzaraya bajarê Sudanê û Yambukuya bajarê KDKyê di heman heyamê da derketibû meydanê û di sala 2013an da jî li Afrîkaya Rojava belav bûbû.

Di navbera salên 2014-2017an da li Gîne, Lîberya û Sîerra Leoneyê vîrûsa ebolayê bi 30 hezar kesî belav bibû û ji 11 hezarî zêdetir kes ji ber vê nexweşiyê miribûn.

Babetên bi vê mijarêve girêday