Efrînê.. Talankirina malên Kurdan berdewame

Efrînê.. Talankirina malên Kurdan berdewame

WAAR_Duhok:

Hat ragihandin ku çekdarên Hêza Sûriyeya Azad (ASA) li bajarokê Şera yê Efrînê careke din bi xapandin malên kurdan talan kirin.

Li gor çavkaniyekî ji nav bajarokê Şerayê ku eşker kir ku îro çekdarên ASAYê tevahiya xelkê gund ji malên wan derxistin û li meydana gund ew komkirine. Li gorî çavkanî, çekdaran ew bi hinceta lêgerîna li endam û alîgirên PYDê ji saet 10.00ê sibehê heta 13:00 pişt nîvro rawestandine.

Çavkanî di axaftina xwe de ragihand ku piştî gundî vegeriyan malên xwe dîtin ku çekdaran û malbatên ereb ên ku li gund hatine niştecîkirin, tevahiya tiştên nav malên wan de, wekî cerên xazê, televizyon û tiştên din ên navmalê talan kirine.

Li gor amareyên dawî li navenda Şerayê 250 malbatên kurd dijiyan û niha 102 malbat vegeriyane malên xwe. Herwiha 45 malbatên ereb jî li gund hatine niştecîkirin.

Babetên bi vê mijarêve girêday

Komênteka Nu Dane

Your email address will not be published. Required fields are marked *

Time limit is exhausted. Please reload CAPTCHA.