سه‌فین دزه‌یی: ژڤانێ هنارتنا په‌ترۆلا كوردستانێ دیار نینه‌

سه‌فین دزه‌یی: ژڤانێ هنارتنا په‌ترۆلا كوردستانێ دیار نینه‌

وار – دهوك :

په‌یڤدارێ حكومه‌تا هه‌رێما كوردستانێ رادگه‌هینیت؛ ئه‌و نه‌شێن ژڤانێ دوباره‌ ده‌ستپێكرنا هنارتنا په‌ترۆلا كوردستانێ بۆ توركیا دیار بكه‌ن.
ل گۆری ئاژانسا رۆیته‌رز، به‌رپرسێن تورك دوهی راگه‌هاندبوون، پشتی هه‌فتییه‌كا دی، كارین چاره‌كرنا بۆریا په‌ترۆلا كوردستانێ دێ ب داوی هێن و جاره‌كا هنارتنا په‌ترۆلێ هه‌رێمێ بۆ به‌نده‌رێ جه‌یهان ئاسایی بیت.

حكومه‌تا هه‌رێما كورستانێ ژی هێشتا پشت راست نینه‌، ئه‌گه‌ر شیان هه‌بن د وی ده‌می دا، هنارتنێ ده‌ست پێ بكه‌ن، سه‌فین دزه‌یی په‌یڤدارێ حكومه‌تێ ژی گۆتییه‌‌: كارێن چاره‌كرنا بۆریێ هێشتا به‌رده‌وامن و نه‌خۆیاییه‌ ژڤانێ هنارتنێ ل چو ده‌مه‌كی یه.

ل 17 شواتا ئه‌ڤ ساله‌، ل سنۆرێ ئۆرفایێ هێرش لسه‌ر بۆریا په‌ترۆلا كوردستانێ هاتبوو كرن، لدووڤ ته‌خمینێن حكومه‌تا هه‌رێمێ، ب ئه‌گه‌را په‌قاندنا بۆریێ، رۆژانه‌ 15 ملیۆن دۆلاران زیان گه‌هشتییه‌ هه‌رێما كوردستانێ.

بابه‌تێن ب ڤێ مژارێ ڤه‌ گرێدای