ئیراقێ ئاستێ هنارتنا په‌ترۆلا خوه‌ زێده ‌كر

وار – دهوك :

وه‌زاره‌تا په‌ترۆلا ئیراقێ راگه‌هاند؛ ئاستێ هنارتنا په‌ترۆلێ بۆ ده‌رڤه‌ هاتییه‌ زێده‌كرن و نوكه‌ رۆژانه‌ ئیراق سێ ملیۆن و 900هزار به‌رمیلان د هنێریته‌ ده‌رڤه‌.
په‌یڤدارێ وه‌زاره‌تا په‌ترۆلا ئیراقێ عاسم جیهادی بۆ ئاژانسا رۆیته‌رز گۆت: نوكه‌ رۆژانه‌ ئیراق سێ ملیۆن و 900هزار به‌رمیلان د هنێریته‌ ده‌رڤه‌ و هه‌موو ژی ب رێیا به‌نده‌رێ باشۆر، د چیته‌ ده‌رڤه‌.
گۆت ژی: ئاستێ هنارتنا په‌ترۆلێ ب هه‌ڤبه‌ری دگه‌ل مه‌هێن بۆری، 70 هزار به‌رمیل د رۆژه‌كێ دا زێده‌بوویه‌.
پێشتر وه‌زیرێ په‌ترۆلا ئیراقێ عادل عه‌بدولمه‌هدی، دیاركربوو، هه‌ر بریاره‌كا رێكخراوا ئۆپێك بۆ كێمكرنا رێژه‌یا به‌رهه‌مئینانا په‌ترۆلێ بده‌ت و كارتێكرنێ ل بلندكرنا بهایێ په‌ترۆلێ بكه‌ت، ئیراق دێ پابه‌ندبیت.

بابه‌تێن ب ڤێ مژارێ ڤه‌ گرێدای