ئیراق دێ به‌رهه‌مێ پترۆلێ بۆ قه‌ره‌بوویا زیانا داكه‌تنا بهایان زێده‌كه‌ت

وار – دهوك :

حكومه‌تا ئیراقێ راگه‌هاند؛ وێ ل به‌ره‌ به‌رهه‌مێ خوه‌ یێن پترۆلێ زێده‌ بكه‌ت، وه‌ك رێكاره‌ك بۆ قه‌ره‌بووكرنا وێ زیانێ كو ژ داكه‌تنا بهایان ب وه‌لاتی كه‌فتییه‌.

په‌یڤدارێ وه‌زاره‌تا پترۆلا ئیراقێ، عاسم جیهاد بۆ ئاژانسا ئه‌نادۆل گۆتییه‌: وه‌زاره‌تا پترۆلێ ل به‌ره‌ د ئه‌ڤ ساله‌ دا، به‌رهه‌مێ خوه‌ یێ پترۆلێ زێده‌ بكه‌ت، داكو قه‌ره‌بوویا وێ زیانا دارایی بكه‌ت كو ب ئه‌گه‌را داكه‌تنا بهایان ڤێ كه‌فتییه‌ و گۆت: ل سالا 2015ێ وان به‌رهه‌م ب رێژه‌یا سه‌دێ 13 بلندكربوو، لێ بۆ ئه‌ڤ ساله‌ ئه‌و یێ لێكۆلینا قه‌باره‌یێ زێده‌هیێ دكه‌ن.

ناڤهاتی دیاركر، پلانێن وان بۆ وێ چه‌ندێ دچن ئاستێ به‌رهه‌می رۆژانه‌ ژ س ملیۆن و 800 هزار به‌رمیلان پتر بیت.
بهایێن پترۆلێ ل مه‌ها بۆری نزمترین ئاست د ده‌ما 13 سالێن بۆری دا تۆماركر، پشتی بهایێ به‌رمیلێ گه‌هشتییه‌، گه‌هشتییه‌ 25 دۆلاران.

بابه‌تێن ب ڤێ مژارێ ڤه‌ گرێدای