قوباد تاله‌بانی: حكومه‌ت بندیوار و دو مووچه‌ییێ ناهێلیت

قوباد تاله‌بانی: حكومه‌ت بندیوار و دو مووچه‌ییێ ناهێلیت

وار

جێگرێ سه‌رۆكوه‌زیرێن هه‌رێما كوردستانێ راگه‌هاند؛ ده‌سته‌یا نه‌زاهێ ده‌ست ب لێپرسینێ ل تۆمه‌تبارێن د كه‌یسێن گه‌نده‌لیێ دا كرییه‌، گۆت ژی: حكومه‌ت بندیوار و دو مووچه‌ییێ ناهێلیت.

د گۆتاره‌كێ دا ل نڤێسینگه‌ها نوویا پاسپۆرتان ل سلێمانیی، قوباد تاله‌بانی جێگرێ سه‌رۆكوه‌زیرێن هه‌رێمێ راگه‌هاند؛ چه‌ندین لژنه‌ بۆ دیڤچوون و لێپرسینێ ل دۆسیه‌یێن گه‌نده‌لیێ هاتینه‌ پێكئینان و ده‌سته‌یا نه‌زاهێ ژی، ب وێره‌كی ده‌ست ب لێپرسینێ ل وان كه‌سان كرینه‌ یێن تۆمه‌تبار د كه‌یسێن گه‌نده‌لیێ دا.

ده‌رباره‌یی چاكسازیێن حكومه‌تێ ژی، قوباد تاله‌بانی گۆت: حكومه‌ت دێ بندیواران كێم كه‌ت و دو موو‌چه‌یی و سێ مووچه‌ییێ ژی ناهێلیت.

خویاژی كر، حكومه‌ت د گه‌ل ئالیێ سیێ، د دانوستاندنێن به‌رده‌وام دایه‌، بۆ وێ یه‌كێ، هۆربینیێن ته‌مام د كه‌رتێ په‌ترۆلا هه‌رێمێ دا بكه‌ن و به‌رده‌وام زانیارییان ب ئالیێن په‌یوه‌ندیدار و وه‌لاتیێن هه‌رێمێ بده‌ن.

بابه‌تێن ب ڤێ مژارێ ڤه‌ گرێدای