حكومه‌تێ كێشه‌یا پاشكه‌وتكرنا مووچه‌یێ وه‌زاره‌تا ناڤخوه‌ چاره‌كر

حكومه‌تێ كێشه‌یا پاشكه‌وتكرنا مووچه‌یێ وه‌زاره‌تا ناڤخوه‌ چاره‌كر

وار – دهوك :

لژنه‌یا بلندا به‌رهه‌نگاربوونا قه‌یرانا دارایی یا سه‌ر ب جڤاتا وه‌زیران ڤه كۆمبوو و كێشه‌یا پاشكه‌وتكرنا مووچه‌یێ وه‌زاره‌تا ناڤخوه‌، چاره‌كر.
ل گۆری زانیارییان، ئه‌ڤرۆ لژنه‌یا بلندا به‌رهه‌نگاربوونا قه‌یرانا دارایی كو ژ نێچیرڤان بارزانی، سه‌رۆكوه‌زیرێن هه‌رێمێ و جێگرێ وی، قوباد تاله‌بانی و وه‌زیرێن سامانێن سرۆشتی، پلاندانان و وه‌زاره‌تا دارایی، پێكدهێن، ئه‌ڤرۆ دگه‌ل كه‌ریم شنگالی وه‌زیرێ ناڤخوه‌یێ هه‌رێمێ كۆمبوون و باسێ سیسته‌مێ نوویێ دابه‌شكرنا مووچه‌یی و مانكگرتنا پۆلیسان و خوه‌نیشاندانێن وه‌لاتییان ل چه‌ندین باژاركان كرن.

زانیاری ئاماژه‌ دكه‌ن، د كۆمبوونێ دا، باسێ خشته‌یێ نوو یێ پاشكه‌وتكرنا مووچه‌یان و چه‌وانییا دابینكرنا مووچه‌یێ وه‌زاره‌تا ناڤخوه‌ هاتییه‌كرن و بریار هاته‌ دان، هه‌ر ژ مه‌ها بهێت، كێمترین رێژه‌ ژ مووچه‌یێ وه‌زاره‌تا ناڤخوه‌ بهێته‌ پاشكه‌وتكرن و مووچه‌یێ مه‌ها ئێك ژی، به‌ریا ده‌مێ خوه‌یێ ده‌ستنیشانكری، بهێته‌ به‌لاڤكرن.

بابه‌تێن ب ڤێ مژارێ ڤه‌ گرێدای