كامیره‌كا نوو ژ بوو ریكوردكرنا ژیانا روژانه‌

كامیره‌كا نوو ژ بوو ریكوردكرنا ژیانا روژانه‌

وار – دهوك :

دگه‌ل به‌رده‌وام بوونا پێشكه‌فتنا تێكنولوجیایێ و ب تایبه‌ت دبوارێ وێنه‌ و ڤیدیویان دا و زێده‌ بكارئینانا ڤان ئامیره‌ ژلایێ مروڤانڤه‌ .  ( نه‌ره‌تێڤ كلیب توو ) كامیره‌كا نویه‌ قه‌بارێ وێ یێ بچیكه‌ و برێیا وێ تو دشێى ژیانا خو یا روژانه‌ ریكورد بكه‌ى , كامیرا ناڤبرى دیاریا ( ئینوڤه‌یشن ئه‌وه‌رد ) ژ بو سالا 2015 بده‌ستڤه‌ ئینایه‌ .

ژ بوو بكارئینانا ڤێ كامیرێ تنێ دێ گرێده‌ى ب جلكێن خوڤه‌ و ئێكسه‌ر دێ فوتویان گریت و ژ تایبه‌تمه‌ندیێن ڤێ كامیرێ كوالتیا 8 مێگاپێكسل ژ بو گرتنا فوتویان و ل سه‌ر ئێك د 30 چركاندا و پێتڤى هندێ ناكه‌ت كو تو چ دوگمان لێبده‌ى بو گرتنا ڤان فوتویان .

هه‌روه‌سا كامیرا ناڤبرى دشیاندایه‌ 8 گێگا بایتان كوگه‌ه بكه‌ت و پاترییا وێ بو ماوێ 30 ده‌مژمێران كاردكه‌ت , و برێیا ( یو ئێس بى ) دهێته‌ شه‌حن كرن و برێیا ( واى فاى ) یان ( بلوتوپى ) تو دشێى فوتویێن خو ڤه‌گوهێزى , و خالا سه‌رنج راكێش ئه‌وه‌ كو كامیرا ناڤبرى ل سه‌ر هه‌ردوو سیسته‌مێن ( ئاى ئو ئێس   ) و ( ئه‌ندروید ) كاردكه‌ت و ئێكسه‌ر تو دشێى فوتویێن خو به‌لاڤ بكه‌ى د  مالپه‌رێن جڤاكى دا .

بو زانین به‌هایێ ڤێ كامیرێ 199 $ و دێ هه‌فتیا بهێت كه‌ڤیته‌د بازارێن جیهانى دا .

بابه‌تێن ب ڤێ مژارێ ڤه‌ گرێدای