ل هندێ قوپیا به‌ره‌ف زێده‌بوونێ دچیت

ل هندێ قوپیا به‌ره‌ف زێده‌بوونێ دچیت

وار – دهوك :

ل تورێن جڤاكى چه‌ند وێنه‌ بوینه‌ جهێ سه‌رنج راكێشانا خه‌لكى كو ل وه‌لاتێ هندێ هاتینه‌ گرتن , ئه‌ڤ وێنه‌ بو چه‌ند كه‌سان هاتینه‌ گرتن كو بزاڤ كریه‌ قوپیایێ بكه‌ن د قوتابخانێ دا و ئه‌ڤ چه‌نده‌ برێیا سه‌ركه‌فتنا دیوارێن قوتابخانێ و پتریا ڤان كه‌سان دایك و بابێن ڤان قوتابییانه‌ .

ئه‌ڤ رویدانه‌ ل روژهه‌لاتا هندێ و بتایبه‌ت ل باژارێ ( بیهار ) هاتیه‌ روویدان , هه‌ژى گوتنێ یه‌ كو پولیسان بزاڤ دكه‌ن كو ڤێ دیاردێ نه‌هێلێن لێ ئه‌ڤ چه‌نده‌ گه‌له‌ك یا ب زه‌حمه‌ته‌ .

روژنامێن هندێ هه‌مى گله‌یا خو ئاراسته‌ى حكومه‌تێ دكه‌ن ژبوو به‌رده‌وام بوونا ڤێ دیاردێ لێ دهه‌مان ده‌مدا وه‌زیرێ خواندنێ ئاشكرا كر و گوت : گه‌له‌ك یا بزه‌حمه‌ته‌ ئه‌م بشێین قوپیایێ براوه‌ستینین ژبه‌ر كو مالباتێن قوتابیا نه‌ د هاریكارن و حكومه‌ت نه‌شێن ڤێ خه‌لكێ گوله‌ باران بكه‌ت داكو ژ وى جهى بچن .

و ل دیف روژناما ده‌یلى مێل یا جیهانى هاته‌ ئاشكراكرن كو ئه‌ڤ دیارده‌ ل نزیكى 1200 قوتابخانان ل وه‌لاتێ هندێ دهێته‌ ئه‌نجام دان و ئه‌ڤ چه‌نده‌ كارتێكرنێ ل سه‌ر ئاستێ خواندنێ دكه‌ت .

بابه‌تێن ب ڤێ مژارێ ڤه‌ گرێدای