سه‌فین دزه‌یی: حكومه‌ت دێ ده‌ست ب دابه‌شكرنا مووچه‌یێن مه‌ها سباتێ كه‌ت

سه‌فین دزه‌یی: حكومه‌ت دێ ده‌ست ب دابه‌شكرنا مووچه‌یێن مه‌ها سباتێ كه‌ت

وار – دهوك :

په‌یڤدارێ حكومه‌تا هه‌رێما كوردستانێ راگه‌هاند؛ حكومه‌ت دێ به‌رده‌وامبیت لسه‌ر دابه‌شكرنا مووچه‌یان و داخواز ژ وه‌زاره‌تان هاتییه‌كرن، لیستا مووچه‌یێن مه‌ها دو ئاماده‌ بكه‌ن.
پشتی ب داوی هاتنا كۆمبوونا ئه‌ڤرۆ یا لژنه‌یا به‌رهه‌نگاربوونا قه‌یرانا دارایی، په‌یڤدارێ حكومه‌تێ سه‌فین دزه‌یی گۆت: حكومه‌تێ داخواز ژ هه‌موو وه‌زاره‌تان كرییه‌، لیسته‌یا مووچه‌یێن مه‌ها دو بۆ بهنێرن، داكو ده‌ست ب دابه‌شكرنا مووچه‌یان بكه‌ن.

گۆت ژی: حكومه‌ت دێ به‌رده‌وامبیت ل سه‌ر دابه‌شكرنا مووچه‌یان و هه‌ر پاره‌یه‌كێ گه‌هشته‌ ده‌ست حكومه‌تێ، دێ ب سه‌ر فه‌رمانبه‌رێن خوه‌ دا، دابه‌شكه‌ت.
سه‌فین دزه‌یی دا زانین: ژبه‌ر په‌قاندنا بۆریا ڤه‌گۆهاستنا په‌ترۆلا هه‌رێمێ و راگڕتنا هنارتنێ بۆ به‌نده‌رێ جه‌یهانێ توركیا، رۆژانه‌ ب كوژمێ 15 ملیۆن دۆلاران، زیان ب هه‌رێما كوردستانێ دكه‌ڤن.

بابه‌تێن ب ڤێ مژارێ ڤه‌ گرێدای