رۆیته‌رز: هه‌نارده‌كارێن په‌ترۆلێ دێ 20 ئادارێ ل مۆسكۆ كۆمبن

رۆیته‌رز: هه‌نارده‌كارێن په‌ترۆلێ دێ 20 ئادارێ ل مۆسكۆ كۆمبن

وار – دهوك :

رێكخستنا ئۆپێك یا هه‌نارده‌كارێن په‌ترۆلێ بڕیار دایه‌ ل 20 ئادارێ ل مۆسكۆ یا پایته‌ختا رۆسیا كۆمببیت و كێم كرنا به‌رهه‌می دێ ژ گرنگترین ته‌وه‌رێن گۆتوبێژێن وێ كۆمبوونێ بن.

ل گۆری ئاژانسا رۆیته‌رز، بریكارێ وه‌زاره‌تا په‌ترۆلا ئیراقێ، فه‌یاز نعمه‌ گۆتییه‌: ل 20 ئادارێ، هه‌نارده‌كارێن په‌ترۆلێ یێن ئه‌ندام و نه‌ئه‌ندام د رێكخستنا ئۆپێك دا، دێ ل مۆسكۆ كۆمبن، ژبۆ گۆتوبێژ كرنا رێكارێن كێم كرنا به‌رهه‌می و هنارتنێ.

هه‌روه‌سا دیاركر، ئیراق به‌رهه‌ڤه‌ هه‌ڤكاریێ د سه‌رئێخستنا وێ پلانێ دا كه‌ت ، هه‌روه‌سا ژبۆ لێكنێزیكرنا بۆچوونا ئه‌ره‌بستا سعوودیێ و رۆسیا فیدرال د وێ ده‌ربارێ دا.

د داوی كۆمبوونا ئۆپێك دا، وه‌لاتێن ئه‌ندام لسه‌ر پلانا كێم كرنا به‌رهه‌می رێككنه‌كه‌فتن، ئه‌ره‌بستانا سعوودیێ ژی رازی نه‌ببوو، ئاستێ به‌رهه‌می بهێته‌ كێم كرن.

بابه‌تێن ب ڤێ مژارێ ڤه‌ گرێدای