هه‌ده‌په‌ داخوازێ ژ بارزانی دكه‌ت رۆلێ د ده‌ستپێكرنا پێڤاژۆیا ئاشتیێ بگێڕیته‌ڤه‌

هه‌ده‌په‌ داخوازێ ژ بارزانی دكه‌ت رۆلێ د ده‌ستپێكرنا پێڤاژۆیا ئاشتیێ بگێڕیته‌ڤه‌

وار – دهوك :

پارتا ده‌مۆكراتییا گه‌لان هه‌ده‌پێ، داخوازێ ژ سه‌رۆكێ هه‌رێما كوردستانێ دكه‌ت، جاره‌كا دی رۆلێ د ده‌ستپێكرنا پێڤاژۆیا ئاشتیێ دا بگێریت.
د دووه‌م رۆژا سه‌ره‌دانا خوه‌ یا توركیا، دا سه‌رۆكێ هه‌رێما كوردستانێ مه‌سعوود بارزانی دوهی ل ئه‌نقه‌ره‌ پێشوازی ل شانده‌كا بلندا پارتا ده‌مۆكراتییا گه‌لان هه‌ده‌پێ كر كو پێكهاتی بوو ژ هه‌ڤسه‌رۆكا هه‌ده‌پێ ، هه‌روه‌سا ئه‌حمه‌د تورك، له‌یلا زانا و ئۆسمان بایده‌میر و هه‌ژماره‌كا سه‌ركردێن بلندێن وێ پارتێ.
د وێ كۆمبوونێ دا، سه‌ركردێن هه‌ده‌پێ ژ بارزانی خواستن، جاره‌كا دی رۆلی د ده‌ستپێكرنا پێڤاژۆیا ئاشتیێ دا بگێریت، بۆ وێ چه‌ندێ ئاشتی ل باكۆرێ كوردستانێ به‌رقراببیته‌ڤه‌.
ژ ئالیێ خوه‌ ڤه‌، بارزانی باس ل ئه‌گه‌رێن راوه‌ستانا پێڤاژۆیێ كرن و دیتنا خوه‌ ژی بۆ چاوانییا دوباره‌ ده‌ستپێكرن و راسته‌رێكرنا وێ پێشچاڤكر.
سه‌رۆكێ هه‌رێمێ ژ شاندا هه‌ده‌پێ خواست، كاری ژبۆ به‌رفره‌هكرنا فه‌رهه‌نگا پێكڤه‌ژیانێ ل ناڤبه‌را پێكهاته‌یان بكه‌ن و وێ چه‌ندێ نیشا جیهانێ بده‌ن كو كورد گه‌له‌كێ ئاشتیخوازه‌.

بابه‌تێن ب ڤێ مژارێ ڤه‌ گرێدای