رۆیته‌رز: هنارتنا پترۆلا هه‌رێمێ بۆ توركیا هه‌فتیه‌كا دی ده‌ستپێناكه‌ت

رۆیته‌رز: هنارتنا پترۆلا هه‌رێمێ بۆ توركیا هه‌فتیه‌كا دی ده‌ستپێناكه‌ت

وار – دهوك :

ئاژانسا رۆیته‌رز راگه‌هاند؛ تا هه‌فتیه‌كا دی، چێكرنا بۆریا ڤه‌گۆهاستنا په‌ترۆلا هه‌رێمێ بۆ به‌نده‌رێ جه‌یهان، ب داوی ناهێت.

ئاژانسا رۆیته‌رز ژ زارێ چه‌ند ژێده‌ره‌كان به‌لاڤكرییه‌ كو شڤێدی ئۆپه‌راسیۆنا سوپایێ توركیا ل دژی په‌كه‌كێ، ل باژاركێ ئیدل یێ سه‌ر ب پارێزگه‌ها شه‌رنه‌خێ ڤه‌ بداویهاتییه‌، لێ ب كێماتی چێكرنا بۆریا ڤه‌گۆهاستنا په‌ترۆلا هه‌رێمێ بۆ به‌نده‌رێ جه‌یهان، هه‌فتیه‌ك دڤێت، تاكو دهێته‌ ته‌مامكرن.

ئاژانسا رۆیته‌رز دایه‌ زانین كو راگڕتنا ڤه‌گۆهاستنا په‌ترۆلا هه‌رێمێ بۆ به‌نده‌رێ جه‌یهان، ب ئه‌گه‌را په‌قینه‌كێ بوویه‌ كو ل داوییا مه‌ها بۆری روودایه‌.
هێلا ڤه‌گۆهاستنا پترۆلا هه‌رێمێ ل 17 شوباتا ئه‌ڤ ساله‌، ل باژارێ ئورفایێ ل باكورێ كوردستانێ هێرش لسه‌ر هاتییه‌ كرن.

پێشتر سه‌فین دزه‌یی په‌یڤدارێ حكومه‌تا هه‌رێما كوردستانێ راگه‌هاندبوو، په‌كه‌كه‌ ژ په‌قاندنا بۆریا ڤه‌گۆهاستنا پترۆلا هه‌رێمێ و لێدانا قۆتێ وه‌لاتی و فه‌رمانبه‌رێن هه‌رێما كوردستانێ به‌رپرسیاره‌، لێ په‌كه‌كێ ره‌تكربوو.

بابه‌تێن ب ڤێ مژارێ ڤه‌ گرێدای