فه‌رماندا گشتی: پێشمه‌رگه‌ ئاماده‌یه‌ به‌رسڤا هه‌ر هێرشه‌كێ بده‌ت

فه‌رماندا گشتی: پێشمه‌رگه‌ ئاماده‌یه‌ به‌رسڤا هه‌ر هێرشه‌كێ بده‌ت

WAAR-دهۆك:

فه‌رمانده‌ییا گشتی یا هێزێن پێشمه‌رگه‌یێ كوردستانێ فه‌رمان ب پێشمه‌رگه‌ی كر، د ئاماده‌باشیه‌كا ته‌مام دابن و به‌رسڤا هه‌ر هێرشه‌كا سه‌ر كوردستانێ بده‌ن.
فه‌رمانده‌ییا گشتی یا هێزێن پێشمه‌رگه‌یێ كوردستانێ راگه‌هاندنه‌ك به‌لاڤكر و تێدا دیاركرییه‌، هێزێن ئیراقی و حه‌شدا شه‌عبی ده‌ست ب لڤین و خوه‌ ئاماده‌كرنێ بۆ هێرشكرنا ده‌ڤه‌رێن بن كونترۆلا پێشمه‌رگه‌ی ب تایبه‌ت ل كه‌ركووكێ كرییه‌ و ئه‌و لڤینه‌ ب پشته‌ڤانییا ده‌ست و هێزێن بیانی و داخویانیێن به‌رپرسێن سه‌ربازی و سیاسی یێن ئیراقێ دژی گه‌لێ كوردستانێ دهێنه‌ كرن.
فه‌رمانده‌یا گشتی یا هێزێن پێشمه‌رگه‌یێ كوردستانێ: جڤاكا نێڤده‌وله‌تی و هه‌ڤپه‌یمان و رایا گشتی یا جیهانێ هایدار كرینه‌ كو ئه‌ڤ ره‌وشا مه‌ترسیدار دێ بیته‌ ئه‌گه‌رێ سه‌رهلدانا شه‌ڕی و داخواز ژ حكومه‌تا به‌غدا ژی كرییه‌، ل جهێ لڤاندنا هێزێ، بهێته‌ سه‌ر مێزا دانوستاندنان و ب دانوستاندن و رێیێن ئاشتیانه‌ كێشه‌یان چاره‌بكه‌ت.
دایه‌ زانین ژی كو هێرش و شه‌ڕ فرۆتن و گه‌ڤكرن ناهێنه‌ قه‌بوول كرن و هێزێن پێشمه‌رگه‌ی ئاماده‌نه‌ بۆ هه‌ر به‌رگرییه‌كێ و رێ ناهێته‌ دان زمانێ شه‌ڕی دگه‌ل گه‌لێ كوردستانێ بهێته‌ بكارئینان.
ل داوییا راگه‌هاندنێ ژی، فه‌رمانده‌یا گشتی یا كوردستانێ فه‌رمان كرییه‌ كو هه‌موو هێزێن پێشمه‌رگه‌ی د ئاماده‌باشیه‌كا ته‌مام دابن بۆ به‌رگریكرنێ ژ ئاخ و گه‌لێ كوردستانێ و به‌رسڤا هه‌ر هێرشه‌كێ بده‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.