وار – دهوك :
ئیماراتا ئه‌ره‌بی وێنه‌یێن ستێرێن یانه‌یا ریال مه‌درید یا ئێسپانی، لسه‌ر فڕۆكه‌یه‌كا ئایرباس یا نه‌فه‌ر هه‌لگر دانان و ستێرێن ریالێ ژی، ل فڕۆكخانه‌یا مه‌درید، وێنه‌یێن سێلفی دگه‌ل فڕۆكێ گرتن.
ریال مه‌درید ڤیدیۆیا فڕۆكه‌یه‌كا ئیماراتی ل په‌یجێ خوه فه‌یسبوكێ به‌لاڤكرییه، ده‌ما ستێرێن وێ وێنه‌یێن سێلفی لبه‌ر وێ فڕۆكێ ل مه‌دریدا پایته‌خت دگرن.
فڕۆكه‌یا ئیماراتی ژ جۆرێ ئایر باس ئی سێسه‌دو هه‌شتێ یه، و وینه‌رێن ستێرێن وێ، كرێستیانۆ رۆنالدۆ، گارێس بێل و سێرجیۆ رامۆس و هه‌روه‌سا رۆدرێگز و كه‌ریم بن زیما و مارسێلۆ، ب قه‌باره‌یێ چێنج سه‌د مه‌تران لسه‌ر هاتینه دانان.
كۆمپانییا فڕۆكه‌ڤانییا ئیماراتی ژی راگه‌هاندییه، ئه‌و وێنه دێ بۆ ده‌ما شه‌ش مه‌هان لسه‌ر وێ فڕۆكه‌یا وان مینیت.
