قامشلۆ.. دو په‌قینان 50 شه‌هید و 170 بریندار ل دووڤ خوه‌ هێلان

وار

دو په‌قینان، باژارێ قامشلۆ یێ رۆژئاڤایێ كوردستانێ هه‌ژاند و ٥٠ شه‌هید بوون و ١٧٥ کەس ژی بریندار بوون، رێكخستییا تیرۆری یا داعشێ ژی، ناسنامه‌یا خوه‌كوژه‌كێ هێرشێ ئاشكراكر.

ئه‌ڤرۆ سپێدێ دو په‌قینان ل هه‌مبه‌ری باره‌گه‌هێ وه‌زاره‌تا به‌رگرییا رێڤه‌به‌رییا خوەسه‌ر ل تاخا غه‌ربی ل سه‌ر رێیا عامودێ ل باژارێ قامشلۆ روودان و ل گۆری ئاماران، هه‌ژمارا قوربانییان گه‌هشتیه‌ ٥٠ شه‌هید و ١٧٥ برینداران.

زانیاری ئاشکرا دكه‌ن كو په‌قینا ئێكێ ب رێیا بارهه‌لگره‌كا پڕی تی ئێن تی بوویه‌ و په‌قینا دوێ ژی، ب رێیا ترومبێله‌كا مینرێژكری ل هه‌مان جهێ په‌قینا ئێكێ هاتییه‌ ئەنجامدان.

ژ ئالیێ خوه‌ڤه‌ رێكخستییا تیرۆری یا داعشێ، ل سه‌ر مالپه‌رێ ئه‌عماق، به‌رپرسیارییا خوه‌ ژ په‌قینان راگه‌هاند و دیاركر، چه‌كداره‌كێ وان ب ناڤێ ئه‌بو عائیشه‌ ئه‌نساری ب رێیا بارهه‌لگره‌كێ خوه‌ په‌قاندییه‌، ئه‌ڤه‌ ژی وه‌ك كارڤه‌دان ل هه‌مبه‌ری بۆمبه‌بارانا فرۆكه‌یێن هه‌ڤپه‌یمانان بۆ سه‌ر باره‌گه‌هێن داعشێ ل باژارێ منبج.
پشتی ڤێ یه‌كێ ژی، هه‌رسێ كانتۆنێن جزیرێ، عه‌فرین و كۆبانێ ل رۆژئاڤایێ كوردستانێ، بۆ ده‌ما سێ رۆژان ماته‌مینی راگه‌هاند.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.