نێچیرڤان بارزانی: د نزیك دا دێ قه‌یرانا داراییا هه‌رێمێ ده‌ربازبیت

نێچیرڤان بارزانی: د نزیك دا دێ قه‌یرانا داراییا هه‌رێمێ ده‌ربازبیت

وار – دهوك :

نێچیرڤان بارزانی سه‌رۆكوه‌زیرێن هه‌رێما كوردستانێ، راگه‌هاند؛ د ده‌مه‌كێ نزیكدا، دێ قه‌یرانا داراییا هه‌رێمێ ده‌ربازبیت، دوپاتژی كر، چ قه‌یران و فشارێن سیاسی، كارتێكرنێ ل ئه‌نجامدانا ریفراندۆمێ ناكه‌ن.

ئه‌ڤرۆ نێچیرڤان بارزانی سه‌رۆكوه‌زیرێن هه‌رێما كوردستانێ كو هه‌ڤده‌م جێگرێ سه‌رۆكێ پارتییه‌، دگه‌ل مه‌كته‌با سیاسی و سه‌ركردایه‌تییا پارتی دیموكراتی كوردستان كۆمبوو، ژێده‌ره‌كێ تایبه‌ت ژ سه‌ركردایه‌تییا پارتی بۆ وار راگه‌هاند؛ د كۆمبوونێ دا، سه‌رۆكوه‌زیرێن هه‌رێمێ ل هه‌مبه‌ر ده‌ربازبوونا قه‌یرانا دارایی، گه‌له‌كێ گه‌شبین بوو و دیاركر، د ده‌مه‌كێ نزیكدا، دێ قه‌یرانا داراییا هه‌رێمێ ب داوی هێت و ره‌وشا داراییا وه‌لاتیان، ئاسایی بیت.

وی ژێده‌ری دا زانین ژی: نێچیرڤان بارزانی باسێ كێشه‌ و قه‌یرانێن سیاسی و ئابۆری یێن هه‌رێمێ كر، ده‌رباره‌یی ئه‌نجامدانا ریفراندۆمێ ژی، نێچیرڤان بارزانی دیاركرییه‌ كو ئه‌و د رژدن ل سه‌ر ئه‌نجامدانا ریفراندۆمێ و چ قه‌یران و فشارێن سیاسی، رێگریێ ل ئه‌نجامدانا ریفراندۆما جودابوونا هه‌رێمێ، ناكه‌ن.

بابه‌تێن ب ڤێ مژارێ ڤه‌ گرێدای