( چاره‌سه‌رى لبه‌غدایه‌ )!!!!

عادل حه‌سه‌ن

چاڤدێرێ سیاسی 

چاره‌سه‌ری لبه‌غدایه‌ ، ئه‌ڤه‌ گوتنه‌كا ڤه‌شارتى یا هنده‌ك پارتێن كوردانه‌ لباشورێ كوردستانێ !!!! حكومه‌تا هه‌رێما كوردستانێ : تاكو نوكه‌ زمانێ دبلوماسى و دانوستاندنێ نزانیت ، حكومه‌ته‌ك سه‌ر ره‌قوسه‌رهشكه‌ ، ئه‌ڤه‌ گوتنا هنده‌ك سیاسێن كورده‌ لباشورێ كوردستانێ !!!

حكومه‌تا هه‌رێما كوردستانێ : حكومه‌ته‌ك تاری و زولماته‌ و زورا برسییه‌ و هه ر ‌تشت تێرا وێناكه‌ت و زورا حه‌سیده‌ !! حكومه‌تا به‌غدا :زورا شه‌فا فه‌ و مروڤ دشێت هونگستیركێ دبنێ وێدا بینیت ، زورا دلنازكه‌ و سالێ زێزده‌ مه‌هان روژیا دگریت تاكو هه‌ست ببرسیبونا هاولاتیێ خوبكه‌ت ، ئه‌ڤه‌ گوتنا هنده‌ك په‌رله‌مانته‌رێن كورده‌ !!!!!

وه‌زاره‌تا پێشمه‌رگه‌ى نه‌ك وه‌زاره‌ته‌ك سه‌ربه‌خویه‌ و پێشمه‌گه‌ زێده‌تر وه‌ك میلیشیات ره‌فتاریێ دكه‌ت ونه‌شیا بو ماویێ ده‌هروژان خو لبه‌ر سینگێ ده‌وله‌تا ئیسلامى ب‌گریت و شنگار و ده‌شتا میسل دانه‌ڤ وان و خه‌لكێ هه‌ژارێ شنگارێ كرنه‌ قوربانیێ ستراتیجیه‌تا خو !!

لێ به‌رنابه‌ر ڤێ چه‌ندێ سوپایێ عیراقێ و به‌رێز نورى مالكى شیان بسالا به‌رخودانێ ل ( میسل ، صلاح الدین ، ئه‌نبار ، فه‌لوجه‌ ) بكه‌ن و چییا دروستكرن ژ كه‌له‌خێن داعش و بهزاره‌ها ئێخسیر كرن ، ئه‌ڤ هنده‌ك شروڤه‌كارێن كورد بڤى ئاوایى شروڤه‌كرن لسه‌ررویدانێن ده‌سپێكێ ێن شه‌رى دگه‌ل ده‌وله‌تا ئیسلامێ !!!

ژبه‌ر ڤان ئه‌گه‌ران هنده‌ك لایه‌نێن سیاسىێن كورد ، بریار دا كو بچنه‌ به‌غدا ژبوو چاره‌سه‌رییا كێشا كوردى ، براستى شیان بچیك و مه‌زنان لبه‌غدا ببینن ، لوێ هه‌ڤدیتنێ شیان هه‌مى ئاریشێن كوردا و مافێن وان چاره‌سه‌ر بكه‌ن ، هه‌ر ژ پێلاڤ و چاكیتى تاكو یاسا نه‌فت و گازێ ، لئه‌نجام ده‌مێ زڤرینه‌ڤه‌ ئه‌ڤ ده‌ستكه‌فتێن خوارێ بده‌ست ئینان و ئه‌ڤه‌ مالكى هاته‌ پایته‌ختێ ره‌وشه‌نبیرى ئه‌ڤ خالێن خوارێ جێبه‌جێكرن :

1/ هه‌مى عه‌ردێ كوردان ئه‌ڤێن گرێداى بمادێ سه‌دو چلێ ڤه‌ زڤرانده‌ڤه‌ ، وه‌ك سه‌ربار به‌شه‌كێ به‌غداژى وه‌ك دیارى وه‌رگت .

2/ یاسا نه‌فت و گازێ هاته‌ په‌سند كرن ، مافێ كوردان هه‌مى هاته‌ چه‌سپاندن .

3/ بودجێ وه‌زاره‌تا پێشمه‌رگه‌ى ، ئه‌ڤا چه‌ندین ساله‌ هاتیه‌ ده‌سته‌سه‌ركرن بچه‌ندین بارێن فروكا به‌رى بهێت ره‌وانه‌كرن ، نیڤا چه‌كێ عیراقێژى بو پێشمه‌رگێ قاره‌مان زڤرانده‌ڤه‌ ب بهانا هندێ كو پێشمه‌رگه‌ بهزاره‌ها كیلومه‌ترا به‌رسینگێ داعش گرتییه‌ .

4/ ئه‌و فه‌رمانبه‌رێن كورد لهه‌مى وه‌زاره‌تێن عیراقێ ئه‌ڤێن هاتینه‌ ده‌رێخستن ژلایێ مالكى ڤه‌ زڤراندنه‌ڤه‌ سه‌ر كارێن وان ، دگوتن كو مالكى ئه‌ڤرو روندك دبارین بو وان فه‌رمانبه‌ران و سه‌دێ دوكان تژى ببوو ژ روندكێت وى .

5/ پارێ قه‌رێ جوتیاران هه‌مى زڤرانده‌ڤه‌ ، هه‌ر ژ 2013 تاكو نوكه‌ ، به‌لكو پارێ سالا 2016 به‌رى بكرن دا ؟ بگور یاسا ده‌ینا وه‌رگرت .

6/ ژئه‌ڤرو‌ پێدا پارستنا ئه‌سمانێ كوردستانێ ژده‌ستهه‌لاتا كوردیه‌ و فروكاخانێن مه‌ دئازادن لئه‌سمانێ كوردستانێ .

7 / بودجێ كوردستانێ ژ سه‌دێ هه‌ڤده‌ گوهرى بو سه‌دێ سیهوهه‌فت چونكى كه‌ركوك و شێخان و شنگار بونه‌ به‌شه‌ك ژكوردستانێ ، ئه‌و بودجێ چه‌ندین ساله‌ نه‌ڤرێكرى هه‌مى لگه‌ل خو ئینان ، ژ سوبه‌ پێدا فه‌رمانبه‌ر هه‌مى موچێ پاشڤه‌ماى بچه‌ك دێ وه‌رگرن .
، 8 ، 9، 10، 11، ………….. تاكو دوماهیێ ژده‌ستكه‌فتیا !!!!!!!!!!!!!!!!!!!!!! لدوماهیێ دبێژم ، ئه‌رێ هوین لكیڤه‌ بون ئه‌ڤ چه‌ند ساله‌؟؟!! هه‌وه‌ بوچى نه‌دگوت كو هوین دشێن وان ئاریشا هه‌میان چاره‌سه‌ركه ن ؟؟!! ئه‌رێ بوچى هوین هنده‌ دحه‌سید بون ؟؟!! ما ئه‌م نه‌ هه‌ڤالێن هه‌ڤبوین ؟؟!! ما هه‌وه‌ نه‌دزانى كو ئاشبه‌تال نه‌شێن چ ئاریشا چاره‌سه‌ركه‌ن ؟؟!!

بابه‌تێن ب ڤێ مژارێ ڤه‌ گرێدای