بۆچی عیراق لرێزێن ده‌ستپێكى یێن دەولەتێن فاشلە؟

ئه‌یمه‌ن عیماد 

عیراق وه‌ك ده‌وله‌ت هه‌ر ژ ده‌ستپێكا دامه‌زراندنا خو تا نها، نه‌بوویه‌ وه‌لاته‌ك بۆ هه‌موو پێكهاته‌یێن خوه‌ و بێ جوداهى هه‌ر تائیفه‌یا ده‌ستهه‌لات گرتبیته‌ ده‌ست، یێن دى پشتگوهـ هاڤێتینه‌ و ب سوپایێ ده‌وله‌تێ و میلیشیاتان گرۆپێن دى بنده‌ستكرینه‌ و بزاڤا ژناڤبرنا وان كرییه‌ و ئه‌ڤێ ژى رێ ب سه‌رهلدانا گرۆپێن تیرۆرى لوى وه‌لاتى خوه‌شكرییه‌، ئه‌ڤه‌ زێده‌بارى كو هه‌ر ژ دامه‌زراندنا ده‌وله‌تا عیراقێ ڤى وه‌لاتى چ سه‌روه‌رى نه‌بووینه‌ و جاران سیاسه‌تێن بیانى ب ئاراسته‌یا پاراستنا به‌رژه‌وه‌ندیێن خوه‌ و جاران ژى گرۆپ و لێڤه‌گه‌رێن دینى سیاسه‌تا وێ د مه‌شینن، زێده‌بارى ڤێ هه‌میێ ژى، چ جاران ژ ده‌ستدرێژى و مایتێكرنێن وه‌لاتێن جیران بێ به‌هرنه‌بوویه‌!

ل سەردەمێ رژێما بەعس، ژبەرکو چەکێ کیمایی د دەستێن حکومەتا بەعس دا بوو، ژبلی ئەوا د گەل کوردان کری، بۆ مەترسی ل سەر هه‌موو جیھانێ ژی، لەو جڤاکا نێڤدەولەتی دھەوار ھاتن و ژناڤبرن! پشتی ھەرفاندنا رژێما بەعس، ب چەند سالەکان جارەکا دی داعشا دەیکا ھەموو رێكخستنێن تیرۆر یێن جیھانێ ل عیراقێ و ژ عیراقیان بخو ھاتە چێکرن و سەرکێشی کرن، (دیسان ژ بلی ئەوا ب سەرێ گه‌لێ كوردستانێ ئینایى)، دوو وەلات ب رێژەیەکا ھەرە مەزن ژناڤبرن و چالاکییێن تیرورستی ل گەلەک وەلاتێن جیهانێ ژی هاتنه‌ كرن، مەزنترین گەفا داعشێ کو بەرییا هێزێن پێشمەرگەى دەرگەھێ ژناڤبرنا وێ ڤەکەت و ھەتا نوکە ژی، گه‌هشتنا گه‌ڤا وێ بوو ل سه‌ر ڤاتیکانا قیبلەیا پتریا دەولەتێن ئوروپی و یێن جیھانێ! له‌و جڤاکا نێڤدەولەتی جارەکا دی هاته‌ سه‌رخه‌ت و زه‌نگا نه‌هێلانا داعشێ لێدا!

تاکە وەلاتێ كو داعشێ چ زیان نە گەھاندینێ و تا گه‌ڤه‌ك ژی لێ نەکری، “ئیران” بوو، و ب خێرا داعش ئێرانێ ژلایێ كارگێرى، سەربازی، سه‌روه‌رىو ب تەمامی عیراق داگیر کر و ب دامەزراندنا چەندین گرووپێن شیعە مەزھەب و ژمارە ئێکا وان “حەشدا شەعبی” ئەوا ھەمى عیراق داگیرکری، ل سەر ھەمی سنۆر و کوچە و کولانێن عیراقێ زالگەھێن خو دانان و خو کرە دەستھەلاتا ئێکێ ل عیراقێ!

حەشد کو ژ میلیشیایێن شیعە مەزھەب پێکدھێن و ل سەر ھزرەکا تۆند یا مەزھەبی ھاتینە ئاڤاکرن، حکومەتا عیراقێ د دوو رۆژان دا ئەو ھێزا بەرەلا و مه‌زهه‌بى، کرە ھێزەکا فەرمی و ل په‌ڕله‌مانێ عیراقێ قانوون بۆ ده‌رخست، د هه‌مان ده‌م دا هێزێن پێشمەرگەىكو هێزه‌كا فه‌رمى یه‌ و د چارچووڤێ دستوورێ ئیراقێ دا هاتییه‌ چه‌سپاندن كو پێدڤییه‌ مووچه‌ و چه‌ك و پێدڤیێن وان یێن سه‌ربازى بهێنه‌ دابین كرن، لێ عیراقێ ئه‌و هه‌ڤپشكى ژى بنپێكر و هێزێن پێشمەرگەی كو رۆلێ سەرەکی و یێ بەرچاڤ د ژناڤبرنا داعشێ و دووركرنا گه‌ڤا وێ ل سه‌ر هه‌موو جیهانێ و ئازادکرنا دەڤەرێن داگیرکری یێن عێراقێ دا هه‌یى، ده‌ستهه‌لاتا مه‌زهه‌بى یا عیراقێ چ لبه‌رچاڤ نه‌گرت، ب هه‌ڤبه‌ركرن دگه‌ل لەشکەرێ عیراقێ كو ژ هه‌موو روویان ڤه‌ د پڕى چه‌ك و پێدڤیێن سه‌ربازى و هه‌ر تشت بوون، و ل هه‌مبه‌ر لاوازی و بێ ھێزیا وان ژی ھەتا چ راددە بوو و چه‌ند خوه‌ ل به‌ر وێ رێكخستنا تیرۆرى گرت كو ل ده‌ستپێكێ ژمارا چه‌كدارێن وێ ژ 200 كه‌سان ده‌رباز نه‌دبوو! یا گرنگ و بهێته‌ به‌رچاڤ كرن، پشتی ڤێ ھەمیێ ئێدى سیمایێن حەشدێ یێن تالان و تاوانەکا دی نە! ئه‌ڤجا بۆچی ئەم ب بەلێ یەکێ ژ ئەڤێ علەتا د بێژنێ “عیراق” جودا نەبین؟

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.