دەربارەی مە

ئه‌م كینه‌؟

وار ژ چه‌ندین ده‌زگه‌هێن راگه‌هاندنێ پێكدهێت، سه‌ر ب كۆمپانیا پالۆڤه‌نه‌ بۆ په‌خش و راگه‌هاندنێ. ئه‌ڤ سازیه‌ ژ ئه‌نجامێ داخوازا هنده‌ك ره‌وشه‌نبیر و نڤیسه‌رێن دهۆكێ و پشته‌ڤانیا سه‌رۆكێ حوكمه‌تا هه‌رێما كوردستانێ ل سالا 2009ێ هاتیه‌ دامه‌زراندن و ئێكه‌مین به‌رهه‌مێ ئه‌ڤێ سازیێ رۆژنامه‌یه‌كا رۆژانه‌ ب ناڤێ وار بوو كو ل 1/10/ سالا 2009ێ ئێكه‌مین ژماره‌ هاته‌ وه‌شاندن. ئه‌ڤ سازیه‌ ژ ئه‌ڤان پشكان پێك دهێت:

1. ته‌له‌ڤزیۆنا وار

2. ته‌له‌ڤزیۆنا وارسپۆرت: ژبه‌ر ره‌وشا دارایى په‌خشێ وێ راوه‌ستای.

3. رۆژنامه‌یا وار: ژبه‌ر ره‌وشا دارایى ل 15/10/ 2015 وه‌شاندنا وێ هاتیه‌ راگرتن.

4. رادیۆیا وار

5. گۆڤارا مه‌هانه‌؛ زینێ وار: ژبه‌ر ره‌وشا دارایى وه‌شاندنا وێ راوه‌ستایه‌.

6. گۆڤارا دیرۆك وار

7. وێبسایتێ وار

ئارمانج ژ سازیێ ئه‌و بوویه‌، ده‌زگه‌هه‌كێ نیشتمانى و نه‌ته‌وه‌یى بۆ راگه‌هاندنه‌كا سه‌ربخوه‌ و پێگیر ب دۆزێن نه‌ته‌وه‌یى و نیشتمانى و مرۆڤانى ل دهۆكێ بهێته‌ دامه‌زراندن، دیتنه‌كا به‌رفره‌هتر و سه‌رانسه‌ریتر ژ مه‌دیا پارتایه‌تى هه‌بت و بشێت ببته‌ پره‌كا نه‌ته‌وه‌یى و نیشتمانى دگه‌ل پارچه‌یێن دىیێن كوردستانێ. مه‌ باوه‌رى هه‌یه‌، مرۆڤ سه‌نته‌رێ هه‌بوونێیه‌ و پێدڤیه‌ هه‌مى هزر و گۆتن و ره‌فتار بۆ خزمه‌ت و پێشئێخستنا وى بهێنه‌ بكارئینان، هه‌روه‌سا مه‌ باوه‌رى هه‌یه‌ چو به‌رهه‌مێ مرۆڤى ژ مرۆڤى به‌هادارتر نینه‌ و نه‌دروسته‌ ب هه‌ر ناڤه‌كى مافێن مرۆڤى بهێنه‌ پێشێلكرن یان رێ ل به‌ر ئازادىیا مرۆڤى بهێته‌گرتن یان ئێكسانىیا مرۆڤان بكه‌ڤته‌ به‌ر گومانێ. مه‌ باوه‌رى هه‌یه‌ كو سیسته‌مێ دیمۆكراسى، باشترین سیسته‌مه‌ بۆ كۆمه‌له‌كێ مۆدێرن و سیاسه‌ته‌كا دروست و روو ل پاشه‌ڕۆژێ. دیمۆكراسى ل وه‌لاتێ مه‌ ل قۆناغێن ده‌ستپێكىیه‌ و وار دێ بزاڤێ كه‌ت ب هه‌مى شیانان، پشكدارى به‌لاڤه‌كرنا ره‌وشه‌نبیریا دیمۆكرات ببت، نه‌خاسمه‌، بنه‌مایێن پێكڤه‌ژیانێ و هه‌ڤ-قه‌بوولكرنێ د جڤاكا كوردستانى هه‌بوون و له‌هیێ توندرۆییا دینى نه‌شیایه‌ ببته‌ كولتۆرێ كوردستانێ. مه‌ دڤێت ب ئاوایه‌كێ مۆدێرن و زانستى و راستگۆیى ئو ب گۆره‌ى قانوونێن هه‌یى و ره‌وشتێن گشتى، زانیاریان و بویه‌ران و بۆچۆنان بگه‌هینین و ببینه‌ جهێ باوه‌رىیا خه‌لكى، وه‌كو ژێده‌رێ روودانێن رۆژانه‌ ل ناڤ و ده‌رڤه‌ى وه‌لاتى. كورد و كوردستان، نه‌ته‌وه‌ و وه‌لاته‌كێ دابه‌شكریه‌ و هه‌ردو كه‌ڤتینه‌ به‌ر فشارا ده‌وله‌تێن نه‌ته‌وه‌یى و شۆڤینیزما نه‌ته‌وه‌یێن سه‌رده‌ست، و ئه‌ڤه‌ پتره‌ ژ سه‌دسالان كوردستانى خه‌باتێ بۆ رزگاریا كوردستانێ و ئازادىیا كوردستانیان دكه‌ن و ئه‌ڤه‌ خه‌باته‌كا ره‌وا و مرۆڤانیه‌، چونكى بۆ ئازادیێ و ئێكسانیێ و پاراستنا روومه‌تا مرۆڤانه‌.. وار دێ پارچه‌یه‌ك بت ژ ئه‌ڤێ خه‌باتێ، هندى بۆ هه‌ردو ئارمانجێن پیرۆز بت و رێكێن په‌سه‌ند و مرۆڤانى بكار بینت. وار دڤێت ب پتر ژ زمانه‌كى باخڤت و بینه‌ر و گوهدار و خوانده‌وارێن خوه‌ ل سه‌رانسه‌رى جیهانێ هه‌بن و ببته‌ پره‌كا كوردستانى دگه‌ل جیهانێ. مه‌ ب وه‌رزشێ و زمانێ ئه‌ره‌بى ده‌ستپێكر و نهۆ ل مالپه‌ڕى، ب زمانێن دى ژى دێ ئاخڤین. مه‌ باوه‌رى هه‌یه‌ كه‌سێ ئازاد و دیمۆكرات، دێ شێت مافێن خوه‌ و مافێن مرۆڤى بپارێزت، له‌و ده‌رگه‌هێ وارێ ب هه‌مى سازیێن وێ ڤه‌ بۆ پشكدارىیا هه‌وه‌یێن هێژا ڤه‌كریه‌، نه‌خاسمه‌ ئه‌وێن دڤێن كه‌سانىیا كوردستانیان ل سه‌ر ره‌وشه‌نبیریا دیمۆكراسیێ ئاڤا بكه‌ن و به‌رهه‌نگارى توندى و دژوارىیا ده‌ڤه‌ر تووشبووى ببن. نهۆ و وه‌كو ئه‌نجامه‌كێ ته‌نگاڤىیا دراڤى و شه‌ڕێ داعشێ و ئابلۆقه‌یا ئابۆرى ل سه‌ر هه‌رێمێ، هنده‌ك ده‌زگه‌هێن وارێ هاتینه‌ راگرتن و ئه‌وێن مایى دێ بزاڤێ  كه‌ن ڤالاهىیا هه‌یى پڕ بكه‌ن. بۆ دیتن و گوهداریكرن و خواندنا مه‌، هوون دشێن ب ئه‌ڤان رێكان بهێنه‌ جڤاتا مه‌:

تەلەڤزيۆنا وار :waarmedia.com/tv

رادیۆیا وار :waarmedia.com/radio

مالپەرێ وار : www.waarmedia.com

و بۆ تێكه‌لیكرنێ و هه‌ڤبه‌ندێ:

ئادرێس:دهوك – جادا بارزان

تەلەفون :

ئیمێل : [email protected]

ئه‌نجومه‌نێ كارگێڕىیا وار دهۆك