د شوباتێ دا هه‌رێمێ ب كوژمێ نزیكی 304 ملیۆن دۆلاران په‌ترۆل فرۆتییه‌

د شوباتێ دا هه‌رێمێ ب كوژمێ نزیكی 304 ملیۆن دۆلاران په‌ترۆل فرۆتییه‌

وار – دهوك :

وه‌زاره‌تا سامانێن سرۆشتی یا حكومه‌تا هه‌رێما كوردستانێ راگه‌هاند؛ د مه‌ها بۆری دا، هه‌رێمێ 10 ملیۆن و 151 هزار و 944 به‌رمیلێن په‌ترۆلێ ب كۆژمێ 303 ملیۆن و 943 هزار و 433 دۆلاران، فرۆتینه‌.

وه‌زاره‌تا سامانێن سرۆشتی یا حكومه‌تا هه‌رێمێ راپۆرتا مه‌ها شوباتا ئه‌ڤ ساله‌، یا هنارتن و فرۆتنا په‌ترۆلا هه‌رێمێ به‌لاڤكر و ل گۆری راپۆرتێ، د مه‌ها بۆری دا، هه‌رێمێ 10 ملیۆن و 151 هزار و 944 به‌رمیلێن په‌ترۆلێ كو رۆژانه‌ دبنه‌ 350 هزار و 67 به‌رمیل، هنارتینه‌ ده‌رڤه‌.

دایه‌ زانین ژی، د مه‌ها شوباتێ دا، ب كۆژمێ 303 ملیۆن و 943 هزار و 433 دۆلاران، په‌ترۆل هاتییه‌ فرۆتن و 13 رۆژان، هنارتنا په‌ترۆلێ هاتییه‌ راگڕتن، ئه‌ڤه‌ژی ژبه‌ر په‌قاندنا بۆریا ڤه‌گۆهاستنێ و تا نوكه‌ ژی، هنارتنا وێ، ده‌ستپێنه‌كرییه‌.

وه‌زاره‌تا سامانێن سرۆشتی ئاشكراكرییه‌، ژ سه‌رجه‌مێ پاره‌یێ وه‌رگرتی، 71 ملیۆن دۆلار بۆ خه‌رجیاتێن كۆمپانیێن په‌ترۆلێ نه‌.

بابه‌تێن ب ڤێ مژارێ ڤه‌ گرێدای