6 وەلاتان ژ وان ئەمریکا داخوازا راوەستاندنا شەرێ لیبیا کر

6 وەلاتان ژ وان ئەمریکا داخوازا راوەستاندنا شەرێ لیبیا کر

WAAR-دهۆك:

6 وەلاتان کو یەک ژ وان ویلایەتێن ئێکگرتی یێن ئەمریکا یە، داخواز ژ ئالیێن ناکۆکێن لیبیا کر، داوییەکێ ب شەروپەڤچوونان بینن.
د بەیانەکا ھەڤپشک دا وەزارەتێن دەرڤە یێن ئەمریکا، بریتانیا، فرەنسا، ئیتالیا، مسر و ئیمارات، دلگرانییێن خوە ژ رەوشا لیبیا یا نھا دیار کر و داخواز ژی ژ ئالیێن ناکوکێن وی وەلاتی کر، بلەز شەروپەڤچوونان ب داوی بینن.
وان 6  وەلاتان ھەروەھا د بەیانا خوە دا داخوازا ژی کر ئالیێن ناکوک ب لەز ب سەرۆکاتییا نەتەوەیێن ئیکگرتی دانوستاندنان دەستپێبکەن و ئاماژە ژی دایە، کو ب کارئینانا ھێزا سەربازی کێشەیان چارە ناکەت.
خەلیفە حەفتەر سەرکردەیێ سوپایێ نشتیمانییێ لیبیا ل مەھا نیسانا بۆری ب مەرەما کۆنترۆلکرنا تەرابلوسێ، ھێرش لسەر وی باژاری راگەھانبوو، ل ھەمبەری وێ ھێرشێ ژی، ھێزێن سەر ب حکومەتا ویفاقا وی وەلاتی ئۆپەراسیۆنەکا بەرسینگگرتنێ دەستپێکریە و تا نھا شەروپەڤچوون بەردەوامن.

بابه‌تێن ب ڤێ مژارێ ڤه‌ گرێدای