35 وه‌لاتیێن ئیراقی د په‌قینێن به‌غدایێ دا هاتنه‌ كوشتن

35 وه‌لاتیێن ئیراقی د په‌قینێن به‌غدایێ دا هاتنه‌ كوشتن

وار – دهۆک :

ژ ئه‌گه‌رێ هه‌ژماره‌كا په‌قین و هێرشێن خوه‌كوژیێ ل ده‌ڤه‌رێن جودا یێن پایته‌ختێ ئیراقێ، 35 كه‌س هاتنه‌ كوشتن و بده‌هان ژی برینداربوون.
هێزێن ئاساییشا به‌غدا راگه‌هاند؛ ل تاخێ شه‌عب ل به‌غدا كو پرانیا ئاكنجییێن وێ شیعه‌نه، خوه‌كۆژه‌كی ب رێیا كه‌مه‌ره‌كا مینرێژكری، خوه‌ په‌قاند و‌ 19 كه‌س كوشتن، دیسان ل بازاره‌كێ وی تاخی ترۆمبێله‌كا مینرێژكری په‌قی و چه‌ند كه‌سه‌ك برینداركرن، لێ پشتی خرڤه‌بوونا خه‌لكی ل جهێ روودانێ، خوه‌كوژه‌كی خوه‌ دناڤا خرڤه‌بوونێ دا په‌قاند.
هه‌روه‌سا ل تاخێ بونوك ژی په‌قین په‌یدابوون و كوشتی و بریندار لدووڤ خوه‌ هێلان، ل گۆری ژێده‌رێن ئیراقی، تا نها چ ئالیه‌كی به‌رپرسیارییا خوه‌ ژ په‌قینان رانه‌گه‌هاندیه،‌ لێ پترییا په‌قینێن به‌رییا نهایێن به‌غدایێ، داعشێ به‌رپرسیارییا خوه‌ راگه‌هاندبوو.

بابه‌تێن ب ڤێ مژارێ ڤه‌ گرێدای