26 وه‌لات گوهرینێن سه‌قای ب گه‌فه‌كا مه‌زنتر ژ تیرۆرێ دبینن

26 وه‌لات گوهرینێن سه‌قای ب گه‌فه‌كا مه‌زنتر ژ تیرۆرێ دبینن

WAAR-دهۆك:

د راپرسیه‌كێ دا كو ل بیست و شه‌ش وه‌لاتان هاتییه‌ كرن گوهرینێن سه‌قای ب مه‌زنترین گه‌ف بۆ ئێمناهییا جیهانێ دهێته‌ دیتن ل دووڤ وێ ل ریزا دوویێ تیرۆر دهێت.
سازیا پیو یا ئه‌مریكی بۆ لێكۆلینان راپرسیه‌ك ئه‌ڤرۆ به‌لاڤ كر كو ل بیست و شه‌ش وه‌لاتان كرییه‌، تێدا دیار بوویه‌ كو گه‌لێن وان هه‌می وه‌لاتان گوهرینێن سه‌قای و ژینگه‌هێ مه‌زنترین گه‌ف بۆ ئێمناهیا جیهانێ دبینن، تیرۆر و رێكخستنێن تیرۆرستی یێن مینا داعشێ ل رێزا دوویێ وه‌ك مه‌زنترین گه‌ف هاتینه‌ ده‌ستنیشانكرن.
هه‌روه‌ها ل گۆره‌ی هه‌مان راپرسی سێیه‌م مه‌ترسیدارترین گه‌ف بۆ ئێمناهییا جیهانێ د ڤی سه‌رده‌می دا هێرشێن ئه‌لكترۆنی نه‌.
وێ راپرسیێ ئاشكرا كر ژی كو نها هه‌ژماره‌كا پتر یا خه‌لكی زلهێزیا ئه‌مریكا وه‌ك گه‌ف دبینن ب هه‌ڤبه‌ركرن ل گه‌ل به‌ری دو سالان، نیڤه‌كا خه‌لكێ ئه‌لمانیا ژی ب نه‌رێنی ل كاریگه‌ریا هێزا ئه‌مریكا دنێرن.
بتنێ خه‌لكێ پۆله‌ندا زلهێزی و هه‌ژموونا رۆسیا وه‌ك مه‌زنترین گه‌ف بۆ ئێمناهیا جیهانێ ل قه‌له‌م دایه‌.

بابه‌تێن ب ڤێ مژارێ ڤه‌ گرێدای