18 رۆژن کەشتییەکا کۆچبەران ل دەریا سپی ئاسێ مایە

18 رۆژن کەشتییەکا کۆچبەران ل دەریا سپی ئاسێ مایە

WAAR- دهوك:

دەمێ ھەژدە رۆژانە کەشتییەکا ئسپانی كو سەد و سیھ و چار کۆچبەر د ده‌ریایێ دا رزگار کرینە، ژ ئالیێ ئیتالیا ڤه‌ نا هێت وه‌رگرتن.
کەشتییا ئسپانی یا ب ناڤێ ئۆپێن ئارمس، بەرى ھەژدە رۆژان سەد و سیھـ و چار کۆچبەر د دەریا سپی دا رزگار کرینە و بزاڤان دکەت وان کۆچبەران بگەھینیت کەنارێن ئیتالیا، لێ ماتیو سالڤینی، وەزیرێ ناڤخۆ یێ ئیتالیا تنێ رازی بوو بیست و حەفت زارۆیێن د گەل دا وەرگریت و رەت دکەت سەد و حەفت کۆچبەرێن مایی ل سەر ئاخا ئیتالیا بھێن خوار.
کاپتنێ کەشتیێ ئەڤرۆ ھۆشداری دان کو رەوشا دەرۆنی یا وان سەد و حەفت کۆچبەران و ھەڤدە کارمەندێن کەشتیێ باش نینە و ئێدی ئەو ژ ژیانا وان بەرپرس نینە.
نھا ئەو کەشتی ب سەدان مەتران دووری گراڤا لامپێدوسا یا ئیتالی یە و نەشێت خوە نێزیکتر بکەت.

بابه‌تێن ب ڤێ مژارێ ڤه‌ گرێدای