160 سال ب سەر دەمژمێرا بیگ بێن دەرباز بوون

160 سال ب سەر دەمژمێرا بیگ بێن دەرباز بوون

WAAR-دهۆك:

سەد و شێست سال ب سەر دەمژمێرا بیگ بێن یا لەندەنێ دا دەرباز بوون و تا نھا ئەو دەمژمێرە ل سەر کارێ خوە بەردەوامە.
دەمژمێرا بیگ بێن یا ناڤدار ل بریتانیا دکەڤیتە جاددەیا وێستمێنستەر کو ئێکەم جار ل سالا 1859 ھاتبوو دانان و بلنداھییا وێ نۆت و شەش مەترن.
حکومەتا بریتانیا ل سالا 2017ێ بریار دابوو دەمژمێرا بیگ بێن نووژەن بکەت و کارێ نووژەنکرنێ تا نھا بەردەوامە و تا سالا 2021ێ دێ ڤەکێشیت.
ئەندازیارێن کارێ نووژەنکرنێ دکەن دبێژن؛ وان پێشبینی نەدکر کارێ وان دێ ب ڤی ئاوایی زەحمەت بیت، ژ بەر کو ھەر پارچەیه‌کا ژ وێ دەمژمێرێ دھێتە ژێڤەکرن، ھندەک پارچەیێن دی دھێنە دیتن کو وان چ ئاگاهی ل سەر ھەبوونا وان نەبوون و ڤێ یەکێ کارێ وان زەحمەت کرییە.
بیگ بێن ناڤدارترین دەمژمێرا جیھانێ یه‌ و سالانە رێژەیه‌کا زێدە یا گەشتیاران بۆ دیتنا وێ سەرەدانا لەندەنێ دکەن.

بابه‌تێن ب ڤێ مژارێ ڤه‌ گرێدای