10 كه‌سان د ئاگرێن رۆژئاڤایێ كوردستانێ دا ژیانا خوه‌ ژده‌ست دان

10 كه‌سان د ئاگرێن رۆژئاڤایێ كوردستانێ دا ژیانا خوه‌ ژده‌ست دان

WAAR-دهۆك:

نێرینگه‌ها سووری یا مافێن مرۆڤی ئه‌ڤرۆ راگه‌هاند، ب ئه‌گه‌رێ ئاگرێن مه‌زن ل زه‌ڤیێن ده‌خل و دانێن رۆژئاڤایێ كوردستانێ پتری 10 كه‌سان ژیانا خوه‌ ژده‌ست دانه‌.
ل گۆره‌ی نێرینگه‌ها سووری، چه‌ندین حه‌فتیه‌ ئاگر ب زه‌ڤیێن جودا جودا یێن گه‌نم و ده‌خل و دانی ل پارێزگه‌ها حه‌سه‌كێ كه‌ڤتیه‌ و روودانێن ب وی ره‌نگی به‌رده‌وامن، ب ئه‌گه‌رێ وێ ژ ده‌ستپێكێ تا نها پتری 10 كه‌سان د وان ئاگران دا ژیانا خوه‌ ژده‌ست دانه‌ و پێنج ژی بریندار بووینه‌.
هه‌روه‌ها نێرینگه‌هێ دیار كر، قوربانی سڤیل و شه‌رڤانێن هێزێن سووریا دیمۆكرات هه‌سه‌دێ نه‌ كو بزاڤا ڤه‌مراندنا ئاگری دكر.
كه‌مال ده‌رباس، به‌رپرسێ چاندنێ ل رێڤه‌به‌رییا خوه‌سه‌ر دیار كر هنده‌ك كه‌س ب مه‌به‌ست ئاگری به‌ردده‌نه‌ وان زه‌ڤیان، مه‌ره‌م پێ كێمكرنا رۆلێ رێڤه‌به‌ریا خوه‌سه‌ر و دروستكرنا ئالۆزیانه‌ ل ناڤ خه‌لكێ ده‌ڤه‌رێ.
هه‌روه‌ها گۆت ژی: تا نها 350 هێكتارێن ئه‌ردی هاتینه‌ سۆتن.

بابه‌تێن ب ڤێ مژارێ ڤه‌ گرێدای