یوونان.. گه‌شتیار ته‌ماشه‌ی دادانا ب ترس یا فرۆكه‌یان دكه‌ن

WAAR-دهۆك:

ل یه‌ك ژ گزیرته‌یێن یونانێ، دیتنا دیمه‌نێن دادانا فرۆكه‌یێن نه‌فه‌ر هه‌لگر بالا گه‌شتیاران دكێشیت، هه‌ر چه‌نده‌ ئه‌و یه‌ك ب كاره‌كێ ب ترس دهێته‌ هه‌ژمارتن.
ل گزیرته‌یا سیكاتۆس یا یونانی، گه‌شتیار قه‌ستا جهه‌كێ ته‌نشت فرۆكخانێ دكه‌ن، ژبۆ دیتن و وێنه‌كرنا دیمه‌نێن دادانا فرۆكه‌یێن نه‌فه‌ر هه‌لگر، ژبه‌ركو ل وی جهی، بلنداهییا فرۆكێ تنێ چه‌ند مێتره‌كن.
ل گۆری ڤیدیۆه‌كێ كو پێگه‌هێ ده‌یلی مه‌یل به‌لاڤكرییه‌، داوی جار فرۆكه‌یه‌كا بریتانیا ل وێ گزیرتێ دادا، هه‌ژماره‌كا گه‌شتیاران ژی بێی كو نیشان و تابلۆیێن هۆشداریێ ل به‌ر چاڤ بگرن، قه‌ستا وی جهی كرینه‌ كو فرۆكه‌ نزم لێ دهێت دیتن.
ده‌یلی مه‌یل دایه‌ زانین، ل وی جهی بلنداهییا فرۆكێ ژ ئه‌ردی تنێ چه‌ند مێتره‌كن، گه‌شتیار ژی رۆژانه‌ ژبۆ دیتن و وێنه‌كرنا وان دیمه‌نان لێ كۆم دبن.

بابه‌تێن ب ڤێ مژارێ ڤه‌ گرێدای