ھەڤپەیمانییا نێڤدەولەتی: دێ ل سەر پشتەڤانیکرنا ھەسەدێ بەردەوام بین

ھەڤپەیمانییا نێڤدەولەتی: دێ ل سەر پشتەڤانیکرنا ھەسەدێ بەردەوام بین

WAAR-دهۆك:

ھەڤپەیمانییا نێڤدەولەتی دیار کر؛ ئەو دێ ل سەر پشتەڤانیکرن و کارکرنا د گەل ھەسەدێ دا بەردەوام بن.
ھەڤپەیمانییا نێڤدەولەتی یا دژی داعشێ راگەھاند؛ ئەو و ھەڤپەیمانێن خوە یێن ھێزێن سووریایا دیمۆکراتیک، ھەسەدێ ل سەر بەلاڤکرنا شادی و ئێمناھییێ د ناڤا گەلێ باکۆرێ رۆژھەلاتێ سوورییێ دا و دوورکرنا ترس و بێزاری و ھەڤرکییان ژێ، بەردەوامن.
ھەروەسا دیار کر: ئەو و ھەسەدە دێ بەردەوامیییێ دەنە پاراستنا ئاشتییێ و گەشەپێدانا دەڤەرێن رزگارکری و گەرەنتییا ژناڤبرن و رێگرتنێ ل رێکخستنا تیرۆرستی یا داعشێ، پشتی ژناڤبرنا وێ یا جۆگرافی و لەشکەری.
ھەڤپەیمانییا نێڤدەولەتی ھەروەسا ئاماژە دا وێ یەکێ؛ ژ بەر ھەولێن ھەسەدی یێن رێگرتنێ ل بەلاڤبوونا ھزرا داعشێ و دەرکەفتنا وێ یا دوبارە، ئەو دێ ل سەر پشتەڤانیکرنا تەمام یا ھێزێن ھەسەدێ بەردەوام بن.

بابه‌تێن ب ڤێ مژارێ ڤه‌ گرێدای