ھەڤپەیمانان 37 پێگەھێن داعشێ ل باشۆرێ مووسلێ ژناڤبرن

ھەڤپەیمانان 37 پێگەھێن داعشێ ل باشۆرێ مووسلێ ژناڤبرن

WAAR-دهۆك:

فرۆکەیێن ئێف 16  و ئێف 35 یێن ئەمریکی تیرۆرستێن داعشێ ل باشۆرێ مووسلێ کرنە ئارمانج و 37 پێگەھێن وان ژناڤبرن.
ھەڤپەیمانییا ناڤدەولەتی یا شەرێ دژی داعشێ راگەھاند؛ فرۆکەیێن ئێف 16  و ئێف 35 یێن ئەمریکی، 36 تەنێن بۆمبەیان ل بنگەھێن داعشێ ل گراڤا کەنعووس ل باشۆرێ مووسلێ دان.
ئاشکرا ژی کر، گراڤا کەنعووس یا دکەڤیتە سەر رووبارێ دیجلەی ل باشۆرێ مووسلێ، بوویە بنگەھێ ڤەگوھاستنا تیرۆرستان دناڤبەرا ئیراقێ و سووریێ دا.
جەنەرال ئیرک ھێل، فەرماندارێ ئەرکێن تایبەت د ھێزێن ھەڤپشک دا راگەھاند؛ ئەو رێ نادەن تیرۆرست ل گراڤا کەنعووس خوە بپارێزن و دێ ھاریکار بن کو ھەڤپەیمانێن وان سەقامگیریێ ل وان دەڤەران بەرقرار بکەن.

بابه‌تێن ب ڤێ مژارێ ڤه‌ گرێدای