ھەوالگیریا ئیراقێ ھوشداری ژ سەرھلدانەڤەیا داعشێ دا

ھەوالگیریا ئیراقێ ھوشداری ژ سەرھلدانەڤەیا داعشێ دا

WAAR-دهۆك:

سەرۆکێ سازییا ھەوالگیریا ئیراقێ ھوشداری ژ سەرھلدانەڤەیا داعشێ دا و راگەھاند؛ نھا بەرپرسێن وێ رێکخستنێ پلانان بۆ شکاندنا زیندانان دانن.
سەعد عەلاق سەرۆکێ سازییا ھەوالگیریا ئیراقێ بۆ مالپەرەکێ ئەمریکی گۆت: بەرپرسێن رێکخستنا تیرۆرستی یا داعشێ نھا پلانان بۆ شکاندنا زیندانان دانن و دوپات ژی کر، مەترسییا سەرھلدانەڤەیا داعشێ ھەیە.
سەرۆکێ سازییا ھەوالگیریا ئیراقێ گۆت ژی: پێدڤییە ھەموو وەلاتێن بیانی بزاڤێن تەمام بۆ چارەکرنا پرسا داعشیێن گرتی بدەن، ژبەرکو د شیان دایە داعشی،‌ کەمپان بجھـ بھێلن و ڤەگەرن بۆ وەلاتێن خوە و پاشان ببن مەترسییەکا مەزن بۆ وەلاتێن ئەورۆپا، ئاسیا و باکۆرێ رۆژئاڤایێ ئەفریقیا.

بابه‌تێن ب ڤێ مژارێ ڤه‌ گرێدای